Sunday, September 23, 2018 Last Updated 7 Min 40 Sec ago English Edition
Todays E paper
Ads by Google
Monday 13 Aug 2018 09.00 PM

ജയിലില്‍ വിജയ് മല്യയ്ക്കായി ഒരുങ്ങുന്നത് കസബിന്റെ സെല്‍; അതീവജാഗ്രത

uploads/news/2018/08/241066/vijay-mallia.jpg

ജയിലില്‍ വിജയ് മല്യ എത്തുന്നത് കൊടുംകുറ്റവാളികളെ പാര്‍പ്പിച്ച കേന്ദ്രത്തിലെന്ന് റിപ്പോര്‍ട്ട്. വിജയ് മല്യയെ പാര്‍പ്പിക്കാന്‍ ഉദ്ദേശിക്കുന്ന ആര്‍തര്‍ റോഡ് ജയിലിലെ ബാരക്ക് നമ്പര്‍ 12 അജ്മല്‍ കസബ് ഉള്‍പ്പെടെ കൊടുംകുറ്റവാളികളെ പാര്‍പ്പിച്ച കേന്ദ്രമാണ്. കൊടുംകുറ്റവാളികളെയോ, അതീവ സുരക്ഷാപ്രാധാന്യമുള്ള കുറ്റാരോപിതരെയോ ആണു 12-ാം നമ്പര്‍ ബാരക്കില്‍ പാര്‍പ്പിക്കുക.

രണ്ടുനിലകളിലായി എട്ടു സെല്ലുകളാണിവിടെ. സിസിടിവി ക്യാമറകളും സുരക്ഷാ ഉദ്യോഗസ്ഥരുമായി അതീവ ജാഗ്രതയുണ്ടാകും. കട്ടികുറഞ്ഞ കിടക്ക, കിടക്കവിരി, തലയണ, പ്ലേറ്റ്, ഗ്ലാസ് എന്നിവ നല്‍കും. കാറ്റും വെളിച്ചവും കടക്കുന്ന വിധമാണു നിര്‍മിതി. ഓരോ സെല്ലിലും ജനലുകളും ചേര്‍ന്ന്, യൂറോപ്യന്‍ ക്ലോസറ്റ് ഉള്ള ശുചിമുറിയും വസ്ത്രങ്ങള്‍ കഴുകാനുള്ള സ്ഥലവുമുണ്ട്. ജയിലിലെ മറ്റു ശുചിമുറികള്‍ ഇന്ത്യന്‍ രീതിയിലുള്ളതാണ്. മുംബൈ സ്‌ഫോടന പരമ്പരക്കേസില്‍ പ്രതിയായിരുന്ന നടന്‍ സഞ്ജയ് ദത്ത്, ഷീന ബോറ കൊലക്കേസ് പ്രതി സ്റ്റാര്‍ ഇന്ത്യ മുന്‍മേധാവി പീറ്റര്‍ മുഖര്‍ജി, പിഎന്‍ബി തട്ടിപ്പുകേസിലെ പ്രതി നീരവ് മോദിയുടെ ഫിനാന്‍സ് വിഭാഗം മേധാവിയും ധിരുഭായ് അംബാനിയുടെ സഹോദരപുത്രനുമായ വിപുല്‍ അംബാനി തുടങ്ങിയവര്‍ ഈ ബാരക്കില്‍ വിചാരണത്തടവുകാരായിരുന്നു.

ഇന്ത്യയിലെത്തിച്ചാല്‍ തന്നെ പീഡിപ്പിക്കുമെന്നുള്ള മല്യയുടെ വാദത്തെ തുടര്‍ന്നു മൂന്നാഴ്ചയ്ക്കകം ആര്‍തര്‍ റോഡ് ജയിലിന്റെ വിശദാംശങ്ങള്‍ സമര്‍പ്പിക്കാന്‍ ബ്രിട്ടനിലെ മജിസ്‌ട്രേട്ട് കോടതി ഉത്തരവിട്ടിരുന്നു. മജിസ്‌ട്രേറ്റ് കോടതി വിധി അനുകൂലമായാലും മല്യയെ ഇന്ത്യയിലെത്തിക്കുക എളുപ്പമാകില്ല. നാടുകടത്തല്‍ ഉത്തരവു വരാന്‍ രണ്ടുമാസം എടുക്കും. അതേസമയം, മേല്‍ക്കോടതിയില്‍ അപ്പീലിനും അവസരമുണ്ട്.

Ads by Google
Monday 13 Aug 2018 09.00 PM
YOU MAY BE INTERESTED
Ads by Google
Loading...
TRENDING NOW