Monday, September 17, 2018 Last Updated 17 Min 21 Sec ago English Edition
Todays E paper
Ads by Google
Saturday 30 Jun 2018 01.47 AM

പ്രശാന്ത ചന്ദ്ര മഹലനോബിസിന്‌ ഗൂഗിളിന്റെ ആദരം

uploads/news/2018/06/229536/d4.jpg

മുംബൈ: ഇന്ത്യന്‍ സ്‌ഥിതിവിവര ശാസ്‌ത്രത്തിന്റെ പിതാവ്‌ പ്രശാന്ത ചന്ദ്ര മഹലനോബിസിന്‌ ഗൂഗിളിന്റെ ആദരം. മഹലനോബിസ്‌ അന്തരം (മഹലനോബിസ്‌ ഡിസ്‌റ്റന്‍സ്‌) എന്ന സ്‌ഥിതിവിവര ഏകകത്തിന്റെ പേരിലാണ്‌ അദ്ദേഹം ലോകപ്രശസ്‌തനായത്‌.
125-ാം ജന്മദിനത്തില്‍ ഗൂഗിള്‍ ഡൂഡിലിലൂടെയാണ്‌ അദ്ദേഹത്തെ ആദരിച്ചത്‌. ഭാരതീയ സ്‌ഥിതിവിവരശാസ്‌ത്ര പഠനകേന്ദ്രത്തിന്റെ (ഇന്ത്യന്‍ സ്‌റ്റാറ്റിസ്‌റ്റിക്കല്‍ ഇന്‍സ്‌റ്റിറ്റ്യൂട്ട്‌) സ്‌ഥാപകനായിരുന്നു അദ്ദേഹം. ഇന്നത്തെ ബംഗ്ലാദേശിലുള്ള ബിക്രംപുരിലായിരുന്നു മഹലനോബിസ്‌ ജനിച്ചത്‌.
ബ്രഹ്‌മോ ബോയ്‌സ്‌ സ്‌കൂളില്‍ നിന്നും 1908-ല്‍ സ്‌കൂള്‍ വിദ്യാഭ്യാസം പൂര്‍ത്തിയാക്കി. തുടര്‍ന്ന്‌ പ്രസിഡന്‍സി കോളജില്‍ ചേര്‍ന്ന്‌ ശാസ്‌ത്രത്തില്‍ ഓണേഴ്‌സ്‌ ബിരുദം സമ്പാദിച്ചു. പിന്നീട്‌ പ്രശസ്‌തമായ ഇംഗ്ലണ്ടിലെ കേംബ്രിഡ്‌ജ്‌ സര്‍വകലാശാലയില്‍നിന്നു ഭൗതികശാസ്‌ത്രത്തില്‍ ഓണേഴ്‌സ്‌ ബിരുദം നേടി.അദ്ദേഹത്തി-ന്റെ സംഭാവനകളി-ലേറെയും ബൃഹത്‌ മാതൃകാ വ്യാപ്‌തിനിര്‍ണയ മേഖലയിലായിരുന്നു. ഇങ്ങനെയുള്ള വ്യാപ്‌തി നിര്‍ണയങ്ങളുടെയും മാതൃകാപരിശോധനയുടെ ഉപയോഗത്തെയും പറ്റിയുള്ള സങ്കല്‍പം തന്നെ കൊണ്ടുവന്നത്‌ അദ്ദേഹമാണ്‌. ആദ്യകാല വ്യാപ്‌തി നിര്‍ണയങ്ങള്‍ 1937 മുതല്‍ 1944 വരെയുള്ള കാലഘട്ടത്തിലായിരുന്നു. ഇതില്‍ ഉപഭോക്‌തൃചെലവുകള്‍, പൊതുജനാഭിപ്രായം, വിളഭൂമിയുടെ വിസ്‌തൃതി, സസ്യരോഗങ്ങള്‍ എന്നിവയായിരുന്നു പ്രധാനമായും ഉള്‍പ്പെട്ടിരുന്നത്‌. ശാസ്‌ത്രരംഗത്തും സാമൂഹികരംഗത്തും രാജ്യത്തിനു നല്‍കിയ സംഭാവനകള്‍ പരിഗണിച്ച്‌ മഹലനോബിസിനു രാജ്യം പദ്‌മവിഭൂഷണ്‍ നല്‍കി ആദരിച്ചിട്ടുണ്ട്‌.

Ads by Google
Saturday 30 Jun 2018 01.47 AM
YOU MAY BE INTERESTED
Ads by Google
Loading...
LATEST NEWS
TRENDING NOW