Wednesday, November 14, 2018 Last Updated 34 Min 27 Sec ago English Edition
Todays E paper
Ads by Google
Thursday 21 Jun 2018 02.49 AM

മെഡി., എന്‍ജി.: ജസ്‌മറിയയ്‌ക്കും അമല്‍ മാത്യുവിനും ഒന്നാം റാങ്ക്‌

uploads/news/2018/06/227313/v2.jpg

തിരുവനന്തപുരം: മെഡിക്കല്‍, ഫാര്‍മസി, എന്‍ജിനീയറിങ്‌, ആര്‍ക്കിടെക്‌ട്‌ കോഴ്‌സ്‌ പ്രവേശനത്തിനുള്ള സംസ്‌ഥാന റാങ്ക്‌പട്ടിക പ്രസിദ്ധീകരിച്ചു. മെഡിക്കല്‍ വിഭാഗത്തില്‍ ജസ്‌മറിയാ ബെന്നി(എറണാകുളം), എന്‍ജിനീയറിങ്ങില്‍ അമല്‍ മാത്യു (കോട്ടയം), ഫാര്‍മസിയില്‍ നിര്‍മല്‍ രാജ്‌ (പത്തനംതിട്ട), ആര്‍ക്കിടെക്‌ടില്‍ ആര്‍.അഭിരാമി(കൊല്ലം) എന്നിവര്‍ ഒന്നാം റാങ്ക്‌ കരസ്‌ഥമാക്കി.
48,937 പേരുള്ള മെഡിക്കല്‍ റാങ്ക്‌ പട്ടികയിലെ ആദ്യ അഞ്ചു റാങ്കുകളില്‍ നാലും പെണ്‍കുട്ടികള്‍ക്കാണ്‌. തിരുവനന്തപുരം കരമന സ്വദേശിനി ആര്‍. സമ്രീന്‍ ഫാത്തിമ, കോഴിക്കോട്‌ കൊടിയത്തൂര്‍ സ്വദേശിനി എം.എ. സെബാ എന്നിവരാണു രണ്ടും മൂന്നും സ്‌ഥാനക്കാര്‍.
എന്‍ജിനീയറിങ്‌ വിഭാഗത്തില്‍ രണ്ടാം റാങ്ക്‌ കൊല്ലത്തെ ശബരീ കൃഷ്‌ണയ്‌ക്കും മൂന്നാം റാങ്ക്‌ കോട്ടയം തെള്ളകം സ്വദേശി ഡെന്നിന്‍ ജോസിനുമാണ്‌. 46,686 വിദ്യാര്‍ഥികള്‍ റാങ്ക്‌പട്ടികയില്‍ ഇടം പിടിച്ചു. ആദ്യ 100 സ്‌ഥാനങ്ങളില്‍ 90 പേരും ആണ്‍കുട്ടികളാണ്‌. എസ്‌.സി. വിഭാഗത്തില്‍ കോഴിക്കോട്‌ സ്വദേശി സമിക്‌ മോഹനും എസ്‌.ടി. വിഭാഗത്തില്‍ കാസര്‍ഗോഡ്‌ സ്വദേശി പവന്‍ രാജിനുമാണ്‌ ഒന്നാം റാങ്ക്‌.
നീറ്റ്‌ റാങ്ക്‌ പട്ടികയുടെ അടിസ്‌ഥാനത്തിലാണ്‌ സംസ്‌ഥാനത്തെ മെഡിക്കല്‍ കോഴ്‌സുകളിലേക്കുള്ള റാങ്ക്‌ പട്ടിക തയാറാക്കിയത്‌. എം.ബി.ബി.എസ്‌, ബി.ഡി.എസ്‌, ബി.എച്ച്‌.എം.എസ്‌, ബി.യു.എം.എസ്‌, ബി.എ.എം.എസ്‌, എന്നീ കോഴ്‌സുകളിലെ പ്രവേശനം ഈ റാങ്ക്‌ പട്ടികയില്‍ നിന്നായിരിക്കും.
എം.ബി.ബി.എസിന്‌ എട്ടു സര്‍ക്കാര്‍ മെഡിക്കല്‍ കോളജുകളിലായി 943 സീറ്റും 16 സ്വാശ്രയ മെഡിക്കല്‍ കോളജുകളിലായി 1700 സീറ്റുകളും ഉള്‍പ്പെടെ 2463 സീറ്റുകളാണുള്ളത്‌. സ്വാശ്രയ എം.ബി.ബി.എസ്‌, ബി.ഡി.എസ്‌. കോളജുകളിലെ എല്ലാ സീറ്റിലും സംസ്‌ഥാന റാങ്ക്‌ പട്ടികയില്‍ നിന്നാകും പ്രവേശനം. എന്‍ജിനിയറിങ്‌, മെഡിക്കല്‍ പ്രവേശനത്തിന്‌ 23 മുതല്‍ ഓപ്‌ഷന്‍ സ്വീകരിക്കും. 30നാണ്‌ ആദ്യ അലോട്ടുമെന്റ്‌. എന്‍ജി. പ്രവേശനം ജൂലൈയിലും എം.ബി.ബി.എസ്‌, ബി.ഡി.എസ്‌. പ്രവേശനം ഓഗസ്‌റ്റ്‌ 18നും പൂര്‍ത്തിയാക്കും.

Ads by Google
Thursday 21 Jun 2018 02.49 AM
YOU MAY BE INTERESTED
Ads by Google
Loading...
TRENDING NOW