Friday, June 29, 2018 Last Updated 46 Min 6 Sec ago English Edition
Todays E paper
Ads by Google
Wednesday 16 May 2018 01.16 AM

അപ്പോഴേ പറഞ്ഞില്ലേ... മമതയുടെ ഉപദേശം കേട്ടില്ല; അവസാനം രാഹുല്‍ഗാന്ധി പരിഹസിച്ച ജെ.ഡി.എസിനു പിന്നാലെ കോണ്‍ഗ്രസ്

JDS In Karnataka, Mamata Banerjee

തെരഞ്ഞെടുപ്പിനു മുമ്പ്‌ മുന്‍ കോണ്‍ഗ്രസുകാരിയായ പശ്‌ചിമ ബംഗാള്‍ മുഖ്യമന്ത്രി മമതാ ബാനര്‍ജി കോണ്‍ഗ്രസിനെ ഉപദേശിച്ചു. 'മോഡിയെ സൂക്ഷിക്കുക, പോരാട്ടം ഒറ്റയ്‌ക്കു വേണ്ട. ജെ.ഡി(എസ്‌), ബി.എസ്‌.പി. സാധ്യമായ എല്ലാവരുമായി കൂട്ടുകൂടൂ'. അന്ന്‌ അഭിപ്രായ സര്‍വേകള്‍ നല്‍കിയ ആത്മവിശ്വാസത്തിലായിരുന്നു സിദ്ധരാമയ്യ. വോട്ടെടുപ്പിനു മുമ്പ്‌ മമത ഒന്നുകൂടി പറഞ്ഞു. എച്ച്‌.ഡി. കുമാരസ്വാമി മുഖ്യമന്ത്രിയാകണം. മമതയുടെ മാര്‍ഗത്തില്‍ സഞ്ചരിക്കാന്‍ നിര്‍ബന്ധിതമായിരിക്കുകയാണു കോണ്‍ഗ്രസിപ്പോള്‍.

അധികാരമില്ല; ഫണ്ടുമില്ല

ഭരണമുള്ള കര്‍ണാടകയില്‍നിന്നാണു കോണ്‍ഗ്രസ്‌ ഫണ്ട്‌ കണ്ടെത്തിയിരുന്നത്‌ എന്നതു പരസ്യമായ രഹസ്യം. കര്‍ണാടകയില്‍ അധികാരം നിലനിര്‍ത്താന്‍ കഴിയാത്തതു പാര്‍ട്ടിയുടെ സാമ്പത്തിക സ്രോതസ്‌ അടയുന്നതിനു തുല്യമാണ്‌. 2019 ലെ ലോക്‌സഭാ തെരഞ്ഞെടുപ്പിനുള്ള ഫണ്ട്‌ കണ്ടെത്തുകയാണ്‌ അവര്‍ നേരിടാനിരിക്കുന്ന വലിയ വെല്ലുവിളി.

പരാജയപ്പെട്ട പ്രാദേശിക വാദം

ദേശീയ പാര്‍ട്ടിയായ കോണ്‍ഗ്രസ്‌ പ്രാദേശിക വാദത്തിലാണ്‌ ഇക്കുറി കൂടുതല്‍ ശ്രദ്ധിച്ചത്‌. ലിംഗായത്തുകളെ പ്രത്യേക മത ന്യൂനപക്ഷമാക്കാന്‍ കേന്ദ്ര സര്‍ക്കാരിനു ശിപാര്‍ശ നല്‍കി കൈയടി നേടാനുള്ള സിദ്ധരാമയ്യയുടെ നീക്കവും പാളി.
ലിംഗായത്തുകള്‍ കൈയടിച്ചെങ്കിലും കോണ്‍ഗ്രസിനു വോട്ട്‌ വീണില്ല. കാവേരി നദീ ജലത്തര്‍ക്കത്തില്‍ സുപ്രീം കോടതി വിധി നടപ്പാക്കാത്തതില്‍ അദ്ദേഹം മോഡി സര്‍ക്കാരിനെ വിമര്‍ശിച്ചതും വെറുതേയായി. കാവേരിയുടെ തീരപ്രദേശങ്ങളില്‍ (തെക്കന്‍ കര്‍ണാടക) ജെ.ഡി.എസാണു നേട്ടമുണ്ടാക്കിയത്‌.

കിങ്‌മേക്കറായി ജെ.ഡി(എസ്‌)

മുന്‍ പ്രധാനമന്ത്രി എച്ച്‌.ഡി. ദേവെഗൗഡയുടെ ജനതാദള്‍ (എസ്‌.) പ്രതീക്ഷിച്ചതു പോലെ കിങ്‌ മേക്കറായി. ജെ.ഡി.എസിനെ ബി.ജെ.പിയുടെ "ബി" ടീമെന്നു പരിഹസിച്ച കോണ്‍ഗ്രസ്‌ അധ്യക്ഷന്‍ രാഹുല്‍ ഗാന്ധിക്കും ജെ.ഡി(എസ്‌)യെ കുത്തി വോട്ട്‌ പാഴാക്കരുതെന്ന നരേന്ദ്ര മോഡിയുടെ ആഹ്വാനവും അവര്‍ക്ക്‌ അനുഗ്രഹമായി. ജെ.ഡി.എസും ബി.എസ്‌.പിയും ചേര്‍ന്ന 40 സീറ്റുകളാണു നേടിയത്‌.

ജെ.ഡി.എസും കോണ്‍ഗ്രസുമായി സഖ്യമുണ്ടായിരുന്നെങ്കില്‍ തെരഞ്ഞെടുപ്പ്‌ ഫലം മാറുമായിരുന്നെന്ന തൃണമൂല്‍ കോണ്‍ഗ്രസ്‌ നേതാവ്‌ മമതാ ബാനര്‍ജിയുടെ പ്രസ്‌താവനയും ഇതോടൊപ്പം ചേര്‍ത്തു വായിക്കണം.

വിനു നമ്പൂതിരി

Ads by Google
Wednesday 16 May 2018 01.16 AM
YOU MAY BE INTERESTED
Ads by Google
Loading...
TRENDING NOW