Monday, September 24, 2018 Last Updated 1 Min 4 Sec ago English Edition
Todays E paper
Ads by Google
Sunday 29 Apr 2018 08.51 AM

പ്രമുഖര്‍ക്കു നോവുമ്പോള്‍ ഒറ്റപ്പെടുത്താനും മുദ്ര കുത്തപ്പെടാനും, ഇടം കാലുകൊണ്ടു തൊഴിച്ചു താഴെയിടാനും ഒരാപ്പിസറെ വേണം, പോരുന്നോ എന്റെ കൂടെ: സിവില്‍ സര്‍വീസ് വിജയികളെ അഭിനന്ദിച്ചു പ്രശാന്ത് നായര്‍ ഐഎഎസ്

uploads/news/2018/04/212925/1.jpg

സിവില്‍ സര്‍വീസ് പരീക്ഷ പാസായവരെ ലാലേട്ടന്‍ സ്‌റ്റൈയില്‍ അഭിനന്ദിച്ച് കളക്ടര്‍ ബ്രോ. അല്‍പ്പം വ്യത്യസ്ഥമായ ഈ അഭിനന്ദനം സോഷില്‍ മീഡിയ ഏറ്റെടുത്തു കഴിഞ്ഞു. അപ്രിയ ശരികള്‍ ചെയ്യുമ്പോള്‍ ചൊറിയപ്പെടാനും, പ്രമുഖര്‍ക്കു നോവുമ്പോള്‍ ഒറ്റപ്പെടാനും, ഏതെലും ഒരു കൂട്ടര്‍ക്ക് ഇഷ്ട്ടപ്പെടാതിരിക്കുമ്പോള്‍ മുദ്രകുത്തപ്പെടാനും പ്രമാണിമാരെ ഗൗനിക്കാതിരിക്കുമ്പോള്‍ ഇടം കാലുകൊണ്ടു തൊഴിച്ച് സ്ഥലഗ മാറ്റപ്പെടാനും ഒരാപ്പിസറെ വേണം, പോരുന്നോ എന്റെ കൂടെ എന്നു യു പി എ സി ചോദിച്ചപ്പോള്‍ ചാടി വീണ എല്ലാവര്‍ക്കും സ്വാഗതം എന്നായിരുന്നു പ്രശാന്ത് നായര്‍ ഐ എ എസിന്റെ അഭിനന്ദനം. ഫേസ്ബുക്കില്‍ പങ്കുവച്ച കുറിപ്പു വഴിയാണു കളക്ടര്‍ ബ്രോ അഭിനന്ദനം അറിയിച്ചിരിക്കുന്നത്:

കുറിപ്പിന്റെ പൂര്‍ണ്ണരൂപം ഇങ്ങനെ.

'അപ്രിയമായ ശരികൾ ചെയ്യുമ്പോൾ ചൊറിയപ്പെടാനും, പ്രമുഖർക്ക്‌ നോവുമ്പൊൾ ഒറ്റപ്പെടാനും, ഏതേലും ഒരു കൂട്ടർക്ക്‌ ഇഷ്ടപ്പെടാതിരിക്കുമ്പൊ മുദ്ര കുത്തപ്പെടാനും, പ്രമാണിമാരെ ഗൗനിക്കാതിരിക്കുമ്പോൾ ഇടംകാലുകൊണ്ട്‌ തൊഴിച്ച്‌ സ്ഥലം മാറ്റപ്പെടാനും ഒരാപ്പീസർ വേണം, പോരുന്നോ എന്റെ കൂടെ' എന്ന് ലാലേട്ടൻ മോഡിൽ UPSC ചോദിച്ചപ്പൊ ചാടി വീണ എല്ലാർക്കും സ്വാഗതം. ഇക്കൊല്ലം സിവിൽ സർവീസ്‌ പരീക്ഷ പാസ്സായ എല്ലാർക്കും അഭിനന്ദനങ്ങൾ. 👍🏻👍🏻👍🏻

മുൻപ്‌ പലപ്പൊഴും പറഞ്ഞ പോലെ, ഇത്‌ വെറും ജോലിയായി കാണാതെ നിങ്ങൾക്കോരോരുത്തർക്കും ഇതൊരു വ്യക്തിഗത നിയോഗമായി കാണാനാകട്ടെ. ഇത്‌ അപൂർവ്വമായി കിട്ടുന്ന അവസരമാണെന്ന് ഓർക്കുക. 10 ലക്ഷം പേർ ശ്രമിച്ചിട്ട്‌ നിങ്ങൾ കുറച്ചു പേരാണ്‌ തിരഞ്ഞടുക്കപ്പെട്ടതെന്ന് നന്നായി ഓർക്കുക. അതിന്റെ വില കെടുത്താതിരിക്കുക. ഈയൊരു ജോലി തരുന്ന അത്രയും വിശാലമായ കാൻവാസ്‌ മറ്റൊരു ജോലിക്കും തരാനാവില്ല. അത്‌ മനസ്സിലാക്കുക.

വ്യക്തിപരമായി അടുപ്പമുള്ള, പ്രിപ്പറേഷൻ സമയത്ത്‌ കുറച്ചൊക്കെ സഹായിക്കാനായ ഒട്ടനവധിപ്പേർ ഇത്തവണ തിരഞ്ഞെടുക്കപ്പെട്ടതിൽ വളരെ സന്തോഷമുണ്ട്‌. ഒരു കൊല്ലം നീണ്ടുനിൽക്കുന്ന മാരത്തോൺ പരീക്ഷ നിശ്ചയദാർഢ്യത്തിന്റെയും ലക്ഷ്യബോധത്തിന്റെയും പരീക്ഷണം കൂടിയാണ്‌. പ്രതിബന്ധങ്ങൾക്ക്‌ നടുവിലും ശരിയും നന്മയും ചെയ്യാൻ ഈയൊരു മനക്കരുത്ത്‌ തുടർന്നും വേണം. നിങ്ങളെ നിരുത്സാഹപ്പെടുത്താനും തെറ്റായ വഴി തെളിക്കാനും ആൾക്കാർ കാണും. നിങ്ങൾ തന്നെയാണ്‌ നിങ്ങളുടെ വഴികാട്ടി.

ഒന്നേ പറയാനുള്ളൂ, സിവിൽ ആയിരിക്കണം, സിവിൽ സർവന്റായിരിക്കണം, സിവിൽ ഇഞ്ചിനീരായിരിക്കണം.

ഈ അധോലോകത്തേക്ക്‌ നിങ്ങളെ ഞാൻ സ്വാഗതം ചെയ്യുകയാണ്‌.

Ads by Google
Sunday 29 Apr 2018 08.51 AM
YOU MAY BE INTERESTED
Ads by Google
Loading...
TRENDING NOW