Tuesday, November 06, 2018 Last Updated 0 Min 45 Sec ago English Edition
Todays E paper
Ads by Google
Friday 20 Apr 2018 03.31 PM

ഉള്ളം തണുപ്പിക്കാന്‍ ശീതള പാനീയങ്ങള്‍...

വേനല്‍ ചൂടില്‍ കൂളാകാന്‍ വീട്ടില്‍ തയാറാക്കാവുന്ന ശീതളപാനീയങ്ങള്‍
uploads/news/2018/04/210557/helthpachakam200418.jpg

വേനല്‍ ചൂട് ആരംഭിക്കുന്നതോടെ ദാഹവും വര്‍ധിക്കും. ചൂടില്‍ നിന്നും ആശ്വാസവും ഒപ്പം ആരോഗ്യവും നിലനിര്‍ത്താന്‍ ഇടയ്ക്കിടെ ജ്യൂസുകളും ഷേക്കുകളും പരീക്ഷിക്കാം. വേനല്‍ ചൂടില്‍ കൂളാകാന്‍ വീട്ടില്‍ തയാറാക്കാവുന്ന ശീതളപാനീയങ്ങള്‍.

1. തണ്ണിമത്തന്‍ ലെമണയ്ഡ്


തണ്ണിമത്തന്‍ - 1 കപ്പ് (ചതുര കഷ്ണങ്ങളായി മുറിച്ചത്)
1. നാരങ്ങ നീര് - അര ടീസ്പൂണ്‍
2. തേന്‍ - അര ടീസ്പൂണ്‍
3. ഐസ് ക്യൂബ് - ആവശ്യത്തിന്
4. പുതിനയിലല- 3 എണ്ണം

തയാറാക്കുന്ന വിധം


തണ്ണിമത്തന്‍, നാരങ്ങ നീര്, ഐസ് ക്യൂബ് എന്നിവ മിക്‌സിയില്‍ നന്നായി യോജിപ്പിക്കുക. ഇതിലേക്ക് തേന്‍ ചേര്‍ത്ത് നന്നായി ചേര്‍ത്തിളക്കുക. ശേഷം ഗ്ലാസിലാക്കി പുതിനയില ചേര്‍ത്ത് അലങ്കരിക്കുക.

2. പൈനാപ്പിള്‍ ഓറഞ്ച് സിന്‍ഡ്രല്ല


1. പൈനാപ്പിള്‍ ജ്യൂസ് - അര ഗ്ലാസ്
2. ഓറഞ്ച് -1 എണ്ണം (വെള്ളം ചേര്‍ക്കാതെ പിഴിഞ്ഞത്)
3. ചെറുനാരങ്ങ നീര് - കാല്‍ ഗ്ലാസ്
4. പഞ്ചസാര - ആവശ്യത്തിന്
5. തണുത്ത സോഡ - 1 ഗ്ലാസ്

തയാറാക്കുന്ന വിധം


1 മുതല്‍ 4 വരെയുള്ള ചേരുവകള്‍ നന്നായി യോജിപ്പിക്കുക. ഇതില്‍ ഒരു ഗ്ലാസ് തണുത്ത സോഡ ചേര്‍ത്ത് നന്നായി ഇളക്കി ഉപയോഗിക്കാം.
uploads/news/2018/04/210557/helthpachakam200418a.jpg

3. ഓറഞ്ച് നറുനണ്ടി സര്‍ബത്ത്


1. ഓറഞ്ച് - 1 എണ്ണം (നീര്)
2. നറുനണ്ടി സര്‍ബത്ത് -- 3 ടീസ്പൂണ്‍
3. കസ്‌കസ് - 1 ടീസ്പൂണ്‍ (കുതിര്‍ത്തത്)
4. ഐസ് ക്യൂബ് - ആവശ്യത്തിന്
5. പഞ്ചസാര - ആവശ്യത്തിന്

തയാറാക്കുന്ന വിധം


1 മുതല്‍ 4 വരെയുള്ള ചേരുവകള്‍ നന്നായി യോജിപ്പിക്കുക. ശേഷം ആവശ്യത്തിന് പഞ്ചസാര ചേര്‍ത്ത് ഉപയോഗിക്കാം.

4. ആപ്പിള്‍ ബനാന മില്‍ക്ക് ഷേക്ക്


1. പാല്‍ - അര ലിറ്റര്‍ (കാച്ചി തണുപ്പിച്ചത്)
2. ആപ്പിള്‍ - 1 എണ്ണം
3. ഏത്തപ്പഴംം - 2 എണ്ണം (ഇടത്തരം)
4. ഐസ് ക്യൂബ്് - ആവശ്യത്തിന്
5. പഞ്ചസാരര - ആവശ്യത്തിന്
6. ബദാംം - 2 ടീസ്പൂണ്‍ (ചെറുതായി അരിഞ്ഞത്)

തയാറാക്കുന്ന വിധം


പാല്‍, ആപ്പിള്‍, ഏത്തപ്പഴം, പഞ്ചസാര എന്നിവ മിക്‌സിയില്‍ നന്നായി യോജിപ്പിക്കുക. ശേഷം ഐസ് ക്യൂബ് ചേര്‍ത്ത് ശേഷം ബദാം ചേര്‍ത്ത് അലങ്കരിച്ച് തണുപ്പോടു കൂടി വിളമ്പാം.
uploads/news/2018/04/210557/helthpachakam200418b.jpg

5. ഓറിയോ മില്‍ക്ക് ഷേക്ക്


1. ഓറിയോ - 5 എണ്ണം
2. പാല്‍ല്‍ല്‍ - 1 കപ്പ്
3. ചോക്‌ലേറ്റ് സിറപ്പ് - 2 ടേബിള്‍ സ്പൂണ്‍
4. ഐസ് ക്യൂബ് - ആവശ്യത്തിന്
5. അണ്ടിപ്പരിപ്പ് - 3എണ്ണം

തയാറാക്കുന്ന വിധം


ഓറിയോ, പാല്‍, ചോക്‌ലേറ്റ് സിറപ്പ്, ഐസ് ക്യൂബ് എന്നിവ മിക്‌സിയില്‍ നന്നായി യോജിപ്പിക്കുക. ശേഷം അണ്ടിപ്പരിപ്പ് ചേര്‍ത്ത് അലങ്കരിച്ച് ഉപയോഗിക്കുക.

6. കാരറ്റ് മില്‍ക്ക് ഷേക്ക്


1. കാരറ്റ് - 1എണ്ണം (ചെറുതായി മുറിച്ച് വേവിച്ചത്)
2. തേന്‍ - 2 ടേബിള്‍സ്പൂണ്‍
3. ഈന്തപ്പഴം - 6എണ്ണം (ഇളം ചൂടുവെള്ളത്തില്‍ 5 മിനിറ്റ് കുതിര്‍ത്തത്)
4. അണ്ടിപ്പരിപ്പ് - 5എണ്ണം (ഇളം ചൂടുവെള്ളത്തില്‍ 5 മിനിറ്റ് കുതിര്‍ത്തത്)
5. ഏലയ്ക്കാപൊടി - 1 ടീസ്പൂണ്‍
6. ബദാം - 3 എണ്ണം
7. പാല്‍ - 3 കപ്പ്
8. ഐസ് ക്യൂബ് - ആവശ്യത്തിന്

തയാറാക്കുന്ന വിധം


വേവിച്ച് വച്ചിരിക്കുന്ന കാരറ്റ്, തേന്‍, ഈന്തപ്പഴം, അണ്ടിപ്പരിപ്പ്, ഏലയ്ക്കാപൊടി, 1 കപ്പ് പാല്‍ എന്നിവ മിക്‌സിയില്‍ നന്നായി യോജിപ്പിക്കുക. യോജിപ്പിച്ചെടുത്ത കുറുകിയ മിശ്രിതം 2 കപ്പ് പാല്‍, ഐസ് ക്യൂബ് എന്നിവ ചേര്‍ത്ത് യോജിപ്പിക്കുക. ബദാം ചേര്‍ത്ത് അലങ്കരിച്ചെടുത്താല്‍ ബദാം മില്‍ക്ക് ഷേക്ക് തയാര്‍.
uploads/news/2018/04/210557/helthpachakam200418c.jpg

7. അവല്‍ മില്‍ക്ക് ഷേക്ക്


1. പാല്‍ - 2 കപ്പ് ( കാച്ചി തണുപ്പിച്ചത്)
2. ബനാനാ - 2എണ്ണം (ചെറുതായി അരിഞ്ഞത്)
3. അണ്ടിപ്പരിപ്പ് - 5 എണ്ണം
4. ഈന്തപ്പഴം - 2എണ്ണം
5. പഞ്ചസാര - 3 ടേബിള്‍ സ്പൂണ്‍
6. അവല്‍ല്‍ - അര കപ്പ് (വറുത്തത്)
7. ഐസ് ക്യൂബ് - ആവശ്യത്തിന് (മിക്‌സിയില്‍ പൊടിച്ചത്)

തയാറാക്കുന്ന വിധം


1 മുതല്‍ 5 വരെയുള്ള ചേരുവകള്‍ മിക്‌സിയില്‍ നന്നായി അരച്ച് എടുക്കുക. ഈ മിശ്രിതത്തിലേക്ക് വറുത്ത് വച്ചിരിക്കുന്ന അവല്‍, ഐസ്‌ക്യൂബ് എന്നിവ ചേര്‍ത്ത് നന്നായി യോജിപ്പിക്കുക. അവല്‍ മില്‍ക്ക് ഷേക്ക് തയാര്‍.

8. ഓറഞ്ച് ജ്യൂസ് സ്മൂത്തി


1. വാനില യോഗര്‍ട്ട് - 1 കപ്പ്
2. പാല്‍ - മുക്കാല്‍ കപ്പ് (തണുത്തത്)
3. ഓറഞ്ച് ജ്യൂസ് - കാല്‍ കപ്പ്
4. പഞ്ചസാര - ആവശ്യത്തിന്

തയാറാക്കുന്ന വിധം


1 മുതല്‍ 4 വരെയുള്ള ചേരുവകള്‍ നന്നായി മിക്‌സിയില്‍ യോജിപ്പിക്കുക. ശേഷം ഫ്രിഡ്ജില്‍ വച്ച് തണുപ്പിച്ച് ഉപയോഗിക്കാം.
uploads/news/2018/04/210557/helthpachakam200418d.jpg

9. ബദാം റോസ് മില്‍ക്ക്


1. ബദാം - 10 എണ്ണം
2. എള്ള് - 3 ടീസ്പൂണ്‍
3. പാല്‍ല്‍ല്‍- 250 മില്ലി (മൂന്നും ഇളം ചൂടുവെള്ളത്തില്‍ 15 മിനിറ്റ് കുതിര്‍ത്തത്)
4. പഞ്ചസാര - ആവശ്യത്തിന്
5. റോസ് വാട്ടര്‍ - 2 തുള്ളി
6. ഏലയ്ക്കാപൊടി - അര ടീസ്പൂണ്‍
7. കസ്‌കസ് - 2 ടീസ്പൂണ്‍ (വെള്ളത്തില്‍ കുതിര്‍ത്തത്)
8. ഐസ് ക്യൂബ് - ആവശ്യത്തിന് (പൊടിച്ചത്)

തയാറാക്കുന്ന വിധം


കുതിര്‍ത്ത് വച്ചിരിക്കുന്ന ബദാം, എള്ള്, കസ്‌കസ്, എന്നിവ നന്നായി അരച്ച് എടുക്കുക. ഇതിലേക്ക് പാല്‍, പഞ്ചസാര, ഏലയ്ക്കാപൊടി എന്നിവ ചേര്‍ത്ത് യോജിപ്പിക്കുക. ഈ മിശ്രിതത്തിലേക്ക് റോസ് വാട്ടറും പൊടിച്ചു വച്ചിരിക്കുന്ന ഐസും ചേര്‍ത്ത് വിളമ്പാം.
uploads/news/2018/04/210557/helthpachakam200418e.jpg

10. ആപ്പിള്‍ ലെമണ്‍


1. ആപ്പിള്‍ ജ്യൂസ് - 1 കപ്പ്
2. നാരങ്ങ നീര് - അര കപ്പ്
3. ആപ്പിള്‍ റിങ്് - 1 എണ്ണം
4. ഐസ് ക്യൂബ് - ആവശ്യത്തിന്
5. പഞ്ചസാര ലായനി - ആവശ്യത്തിന്

തയാറാക്കുന്ന വിധം


ആപ്പിള്‍ ജ്യൂസും നാരങ്ങ നീരും ചേര്‍ത്ത് യോജിപ്പിക്കുക. ഇത് ഐസ്, പഞ്ചസാര ലായനി, നിറച്ച ഒരു ഗ്ലാസിലേക്ക് മാറ്റുക. ആപ്പിള്‍ റിങ്ങ് ഉപയോഗിച്ച് അലങ്കരിച്ച് വിളമ്പാം.

രമ്യാ കുഞ്ഞുമോന്‍
ട്രാവന്‍കൂര്‍ മെഡിക്കല്‍ കോളേജ്, കൊല്ലം

Ads by Google
Ads by Google
Loading...
TRENDING NOW