പരീക്ഷയ്ക്കു പഠിക്കാം സ്മാര്‍ട്ടായി
കുട്ടികള്‍ക്ക് പരീക്ഷനാളുകള്‍ ടെന്‍ഷന്‍ നിറഞ്ഞതാണ്. എസ്.എസ്. എല്‍.സി, പ്ലസ് ടു വിദ്യാര്‍ത്ഥികള്‍ക്ക് ഈ മാര്‍ച്ച് മാസം ടെന്‍ഷന്റെ നാളുകളാണ്.
എന്നാല്‍ കുട്ടികള്‍ നന്നായി തയ്യാറെടുക്കുകയും അധ്യാപകരും മാതാപിതാക്കളും പിന്തുണ നല്‍കുകയും ചെയ്യുമ്പോള്‍ എല്ലാ പരീക്ഷാപ്പേടിയേയും മറികടക്കാവുന്നതേയുള്ളൂ. എന്നാല്‍ അതിന് ചില തയ്യാറെടുപ്പുകള്‍ വേണമെന്നു മാത്രം.
പഠിക്കേണ്ടതെങ്ങനെ ?
അന്നേ ദിവസം ക്ലാസില്‍ പഠിപ്പിക്കുന്നത് അന്ന് തന്നെ പഠിക്കണമെന്ന് പലരും പറയാറുണ്ടെങ്കിലും അത് ശ്രദ്ധയോടെ ചെയ്യുന്നവര്‍ വളരെ കുറവാണ്.
സ്റ്റഡി ലീവ് കിട്ടുമ്പോള്‍ പഠിക്കാം എന്ന് വിചാരിച്ച് മൂന്നും നാലും പാഠഭാഗങ്ങള്‍ മാറ്റി വയ്ക്കുന്നവരും കുറവല്ല. ഇതൊക്കെ നേരത്തെ പഠിച്ചാല്‍ മറന്നു പോകും, പരീക്ഷയ്ക്ക് തൊട്ടു മുന്‍പ് വായിച്ചാലേ ഓര്‍മ്മ കിട്ടൂ.. എന്ന് വാദിക്കുന്നവരുമുണ്ട്.
യഥാര്‍ത്ഥത്തില്‍ ഇതൊന്നുമല്ല സംഭവിക്കാറ്. പരീക്ഷാത്തലേന്ന് പാഠഭാഗം വായിച്ചു തുടങ്ങുമ്പോള്‍, രണ്ട് ദിവസം മുമ്പേ ഇത് വായിച്ചിരുന്നെങ്കില്‍ എനിക്ക് നന്നായി മനസ്സിലാക്കാമായിരുന്നു എന്നായിരിക്കും തോന്നുക. അതുകൊണ്ട് സ്റ്റഡി ലീവുകള്‍ നന്നായി തന്നെ പ്രയോജനപ്പെടുത്തണം.
ടൈംടേബിള്‍ തയാറാക്കുമ്പോള്‍
എത്ര ദിവസം നന്നായി പഠിക്കാന്‍ സമയം കിട്ടുമെന്ന് നോക്കി ഒരു ടൈംടേബിള്‍ തയാറാക്കുകയാണ് ആദ്യം ചെയ്യേണ്ടത്. ഒരു തവണ ടൈംടേബിള്‍ ഉണ്ടാക്കിയാല്‍ പിന്നീട് അതില്‍ നിന്ന് മാറാതിരിക്കുക. പരീക്ഷാത്തലേന്നു വരെ ടൈംടേബിള്‍ മാറ്റിയെഴുതുന്നവരുണ്ട്.
സ്വന്തം കുറവുകളും മെച്ചങ്ങളും അറിഞ്ഞ് ടൈംടേബിള്‍ തയാറാക്കാനാണ് ശ്രമിക്കേണ്ടത്. ടൈംടേബിള്‍ തയാറാക്കുമ്പോള്‍ ബുദ്ധിമുട്ടുള്ള വിഷയങ്ങള്‍ക്കും പാഠഭാഗത്തിനും കൂടുതല്‍ സമയം നല്‍കണം.
പഠനരീതിയാണ് പ്രധാനം
പഠനാവശ്യത്തിനല്ലാതെ കഴിവതും മൊബൈല്‍ഫോണും കംപ്യൂട്ടറും ഉപയോഗിക്കാതിരിക്കുക. മൊബൈല്‍ ഫോണ്‍ സ്വിച്ച് ഓഫ് ചെയ്യുകയോ, ഫ്‌ളൈറ്റ് മോഡിലിടുകയോ ചെയ്യാം. പഠനത്തിന്റെ ഇടവേളകളില്‍ മാത്രം ഇവയോട് ചങ്ങാത്തം കൂടിയാല്‍ മതി. ഇടയ്ക്ക് സമയം നോക്കണമെങ്കില്‍ വാച്ചോ ക്ലോക്കോ ഉപയോഗിക്കാം.
പല കുട്ടികളും പുസ്തകമെല്ലാം എടുത്ത് പഠിക്കാന്‍ ആരംഭിക്കുമ്പോള്‍ ഒന്നും മനസിലാകുന്നില്ലല്ലോാഎന്ന് പറഞ്ഞ് പഠിക്കാതിരിക്കാറുണ്ട്. ഈ തോന്നല്‍ പരാജയത്തിലേക്കായിരിക്കും നയിക്കുന്നത്. ജീവിതത്തില്‍ പ്രതികൂലസാഹചര്യങ്ങള്‍ അനവധിയുണ്ടാകും. എന്നാല്‍ അതിനെ തരണം ചെയ്യുന്നിടത്താണ് വിജയം.
മാതാപിതാക്കളറിയാന്‍
ഓരോ കുട്ടിയും വ്യത്യസ്തനാണ്. അതിനാല്‍ മറ്റു കുട്ടികളുമായി ഒരിക്കലും മക്കളെ താരതമ്യം ചെയ്യരുത്. ചില കുട്ടികള്‍ക്ക് മുഴുവന്‍ സമയവും ഇരുന്ന് പഠിക്കുന്നതാവും ഇഷ്ടം. ചിലര്‍ക്ക് ചില പ്രത്യേകസമയങ്ങളില്‍ പഠിക്കുന്നതും.
അച്ഛനമ്മമാരുടെ പ്രതീക്ഷകളൊരിക്കലും മക്കളില്‍ അടിച്ചേല്‍പ്പിക്കരുത്. മാത്രമല്ല, അനാവശ്യ മത്സരബുദ്ധി കുട്ടികളില്‍ കുത്തി നിറയ്ക്കാതിരിക്കുക.
കുട്ടികള്‍ക്ക് എന്തു വിഷയവും തുറന്നു പറയാവുന്ന രക്ഷിതാവാകുക. സഹായിക്കാന്‍ എപ്പോഴും അച്ഛനുമമ്മയുമുണ്ടാകുമെന്ന വിശ്വാസം കുട്ടിക്ക് ആത്മവിശ്വാസം നല്‍കും.
ഏകാഗ്രത വര്‍ദ്ധിപ്പിക്കാന്‍
ഏറെ സമയമിരുന്ന് പഠിക്കണമെന്ന് ചിന്തിച്ച് അതിന് തയാറാകുന്നവരുണ്ട്. എന്നാല്‍ എത്ര പഠിക്കണമെന്ന് ആഗ്രഹമുണ്ടെങ്കിലും അതിനുള്ള ശ്രദ്ധ കിട്ടാത്തത് പലര്‍ക്കുമുള്ള പ്രശ്‌നമാണ്.
ഒറ്റ ഇരുപ്പിന് മണിക്കൂറുകളോളം പഠിക്കാതെ 30040 മിനിറ്റുകളായി ഇരുന്ന് പഠിക്കാം. ഇടയ്ക്ക് വീടിന് പുറത്തേക്കിറങ്ങി നടക്കാം, പാട്ടു കേള്‍ക്കാം, യോഗ ചെയ്യാം. ശേഷം വീ ണ്ടും പഠനത്തിലേക്ക് തിരിച്ചെത്താം.
പരീക്ഷത്തലേന്ന് ഓര്‍മ്മിക്കാന്‍
തുറന്നു പോലും നോക്കാത്ത പാഠഭാഗങ്ങള്‍ പരീക്ഷത്തലേന്ന് പഠിക്കാന്‍ ശ്രമിക്കരുത്. ഇത് ടെന്‍ഷന്‍ വര്‍ദ്ധിക്കാന്‍ കാരണമാകും. അറിയാവുന്ന കാര്യങ്ങള്‍ പോലും ഇക്കാരണത്താല്‍ മറന്നു പോകും.
പരീക്ഷത്തലേന്ന് പാഠഭാഗങ്ങള്‍ റിവിഷന്‍ നടത്തുക മാത്രമേ ചെയ്യാവൂ. രാത്രി എട്ടു മണിക്കൂറെങ്കിലും ഉറങ്ങണം. ഉറങ്ങാതെയിരുന്ന് പഠിച്ചാല്‍ പിറ്റേന്ന് പരീക്ഷാഹാളിലിരുന്ന് ഉറക്കം തൂങ്ങും.
ഒപ്പം അറിയാവുന്ന പാഠഭാഗങ്ങള്‍ പോലും ഓര്‍മ്മയിലുണ്ടാവില്ല. പരീക്ഷയുടെ തലേ ദിവസം തന്നെ ഹാള്‍ ടിക്കറ്റ്, ഐഡന്റിറ്റി കാര്‍ഡ്, പേന, പെന്‍സില്‍ തുടങ്ങിയവ എടുത്തു ബാഗില്‍ വയ്ക്കണം.
പരീക്ഷാദിനത്തിലറിയാന്‍
പരീക്ഷയുടെ ടെന്‍ഷനില്‍ പലരും പ്രഭാതഭക്ഷണം ഒഴിവാക്കും. ഈ ശീലം അത്ര നന്നല്ല. ഓര്‍മ്മശക്തി വര്‍ദ്ധിക്കാന്‍ പ്രഭാതഭക്ഷണം ശീലമാക്കണം.
പരീക്ഷയ്ക്ക് അരമണിക്കൂര്‍ മുന്‍പ് പരീക്ഷാഹാളില്‍ എത്തിയിരിക്കണം.
ചോദ്യപേപ്പര്‍ കൈയില്‍ കിട്ടിയാല്‍ ഉത്തരക്കടലാസില്‍ ശ്രദ്ധയോടെ രജിസ്റ്റര്‍ നമ്പറും മറ്റു വിശദാംശങ്ങളും കൃത്യമായി എഴുതണം. ശേഷം ചോദ്യപേപ്പറിലെ ചോദ്യങ്ങളെല്ലാം ശ്രദ്ധയോടെ വായിച്ചു നോക്കുക. അറിയില്ലാത്ത ചോദ്യങ്ങള്‍ കണ്ട് പരിഭ്രമിക്കരുത്. പകരം അറിയാവുന്ന ചോദ്യങ്ങള്‍ക്കുള്ള ഉത്തരങ്ങള്‍ എഴുതുക.
എഴുതുന്ന രീതി
നന്നായി അറിയാവുന്ന ചോദ്യങ്ങള്‍ക്ക് ആദ്യം ഉത്തരമെഴുതുക. ആദ്യത്തെ രണ്ടു പേജുകളെങ്കിലും അക്ഷരത്തെറ്റുകളും വെട്ടിക്കൂട്ടലുകളുമില്ലാതെ എഴുതാന്‍ ശ്രമിക്കുക. അറിയാത്ത ചോദ്യങ്ങള്‍ക്കും ഉത്തരമെഴുതാന്‍ ശ്രമിക്കണം.
ആ ചോദ്യവുമായി ബന്ധപ്പെട്ട് ഓര്‍മ്മയില്‍ വരുന്ന പോയിന്റുകള്‍ എഴുതാം. ഈ പോയിന്റുകളെഴുതാന്‍ ഉത്തരപേപ്പറില്‍ അല്പം സ്ഥലം വിടാം. പിന്നീട് ഓര്‍ത്തെടുക്കുന്ന ഉത്തരങ്ങള്‍ എഴുതിച്ചേര്‍ക്കാന്‍ ഇത് സഹായിക്കും.
ശില്പ ശിവ വേണുഗോപാല്‍
TRENDING NOW
-
പാട്ടു പുസ്തകത്തിലൂടെ കൈവിരലുകള് തൊട്ടുകൊണ്ട് ശ്രീക്കുട്ടി പാടി... കേട്ടവര് കേട്ടവര് ലൈക്കടിച്ചു...
-
'ലിനി' എന്നത് നന്മയുടെ പേരാകുന്നു....; ഇതാ, മറ്റൊരു ലിനി...; ട്രാക്കിന് കുറുകേ തെങ്ങ് കടപുഴകി വീണത് അറിയിക്കാന് പെരുമഴയത്ത് ഓടി നൂറുകണക്കിന് ജീവനുകള് രക്ഷിച്ച ട്രാക്ക് വുമണ് പി.ലിനി
-
ഒരു സഭയും ഒരേ വികാരിയും... എന്നിട്ടും അടക്കാന് ഇടമില്ലാതെ ദളിത് ക്രൈസ്തവ സ്ത്രീയുടെ മൃതദേഹം 26-ാം ദിവസവും മോര്ച്ചറിയില്
-
പാലാരിവട്ടം പാലം തകരാതെ കാത്തത് 'പാലത്തിലെ പോസ്റ്ററിലെ മൈദ'; ചിരിപ്പിച്ച് കൊന്ന് ട്രോളന്മാര്
-
സാറയുടെ തൊട്ടപ്പന് ഹൃദയത്തില് ബാക്കിവയ്ക്കുന്നത്... തൊട്ടപ്പന് റിവ്യൂ
-
കാണാതായ ആ മകള് വീടു വിട്ടത് ഫേസ്ബുക്കില് കയറരുതെന്ന് പറഞ്ഞ മാതാപിതാക്കളോട് വൈരാഗ്യം തീര്ക്കാന്; ഉറക്കം ട്രെയിനില്, ആശ്രയിച്ചത് സ്റ്റേഷനിലെ ശുചി മുറികളെ, ഒരുനാള് മാത്രം കുളി, യാത്ര കൊച്ചി-കോഴിക്കോട്, തിരുവനന്തപുരം-കൊച്ചി, കൊച്ചി-കൊല്ലം
-
ആ ആക്ഷേപത്തില് ഒരു തിരുത്ത്... ഞാന് മാധവിക്കുട്ടിക്കല്ല, മാധവിക്കുട്ടി എനിക്കാണ് പഠിച്ചതെന്ന് ഇന്ദുമേനോന്
-
മരിക്കുന്നതിന് തൊട്ടുമുന്പ് നടന് ജയന് കുഞ്ചനെ ഏല്പ്പിച്ച പെട്ടിയില് എന്തായിരുന്നു ? 10ലക്ഷം രൂപയോ അതോ.. ? കുഞ്ചന്റെ മറുപടി
-
മകന് സ്നേഹിച്ച് ഉപേക്ഷിച്ച പെണ്കുട്ടിയെ വീട്ടിലേയ്ക്ക് കൊണ്ടുവന്ന് പൊന്നുപോലെ നോക്കി വളര്ത്തി... ഒടുക്കം അവര്ക്ക് അനുയോജ്യനായ വരന് കൈപിടിച്ചു നല്കി.. ഇതാണ് അച്ഛന്
-
മോഹന്ലാല് പുതിയ ഗെറ്റപ്പില്: ഇട്ടിമാണി മെയ്ഡ് ഇന് ചൈന, വൈറലായി ലാലേട്ടന്റെ മാര്ഗംകളി
-
സ്മാര്ട് പൊലീസ് സ്റ്റേഷന് സാങ്കേതിക വിദ്യ പഠിക്കാന്‍ ബെഹ്റ ദുബായിലേയ്ക്ക്... ലക്ഷ്യം പോലീസുകാരില്ലാത്ത പോലീസ് സ്റ്റേഷന്
-
വെള്ളം കുടിക്കാന് മടി, വെട്ടം കാണുമ്പോള് ഇരുട്ട് മുറിയില് ഒളിക്കും... ബാധയെന്ന് കരുതി മന്ത്രവാദിയെക്കൊണ്ട് ചരട് ജപിച്ചു കെട്ടിച്ചു: പേവിഷ ബാധയേറ്റ് എട്ടുവയസ്സുകാരന് മരിച്ചതിങ്ങനെ
