Saturday, September 08, 2018 Last Updated 42 Min 19 Sec ago English Edition
Todays E paper
Ads by Google
Thursday 18 Jan 2018 07.02 PM

ഫോറിന്‍ ചോക്ളേറ്റ് ആണ്, പക്ഷേ കഴിക്കരുതേ; പ്ലാസ്റ്റിക് ഉണ്ട്

uploads/news/2018/01/184734/choklet.jpg

ന്യൂഡല്‍ഹി : ചോക്ലേറ്റിനെ കുറിച്ച് കേന്ദ്ര ഭക്ഷ്യ സുരക്ഷാ ഗുണനിലവാര അതോറിറ്റി(ഫസായി) മുന്നറിയിപ്പുമായി രംഗത്ത്. ഡെന്മാര്‍ക്കില്‍ നിന്ന് ഇറക്കുമതി ചെയ്ത ചോക്ലേറ്റില്‍ പ്ലാസ്റ്റിക് കഷണങ്ങള്‍ കലര്‍ന്നതായാണ് മുന്നറിയിപ്പ് നല്‍കിയത്. ലണ്ടനില്‍ പലയിടങ്ങളും ചോക്ലേറ്റുകളില്‍ പ്ലാസ്റ്റിക്കിന്റെ അംശം കണ്ടെത്തി. ഡെന്‍മാര്‍ക്കില്‍ നിന്ന് ഇറക്കുമതി ചെയ്യുന്ന ചോക്ലേറ്റില്‍ പ്ലാസ്റ്റിക് ചേര്‍ത്തതായി കണ്ടെത്തിയിട്ടുണ്ടെന്നാണ് യൂറോപ്യന്‍ കമ്മീഷന്‍ അറിയിച്ചത്. ഈ ചോക്ലേറ്റുകള്‍ ശ്വാസതടസമുണ്ടാക്കാന്‍ കാരണമാകും. കുട്ടികളില്‍ ഇത് കൂടുതല്‍ അപകടകാരിയാണെന്നും കമ്മീഷന്‍ വ്യക്തമാക്കുന്നു.

ഇന്ത്യയടക്കം 14 രാജ്യങ്ങളിലേക്ക് ഈ ചോക്ലേറ്റുകള്‍ കയറ്റുമതി ചെയ്തിട്ടുണ്ട്. ഇവയെല്ലാം തിരിച്ചുവിളിക്കാനാണ് ശ്രമം തുടരുന്നത്. കച്ചവടക്കാര്‍ക്കെല്ലാം ചോക്ലേറ്റുകള്‍ സംബന്ധിച്ച് നിര്‍ദേശം നല്‍കിയിട്ടുണ്ട്. ഈ സമയത്തിനുള്ളില്‍ ചോക്ലേറ്റുകള്‍ ജനങ്ങളിലെത്തിയതായും ഭയപ്പെടുന്നുണ്ട്. ചോക്ലേറ്റ് വില്‍പന നടക്കാതിരിക്കാനുള്ള നടപടികളെല്ലാം നടത്തിയതായി ഫസായി അറിയിച്ചു. യൂറോപ്യന്‍ കമ്മിഷന്‍ അറിയിച്ചതിന്റെ അടിസ്ഥാനത്തിലാണ് മുന്നറിയിപ്പ്. ഇവ കണ്ടെത്താനായി അടിയന്തര നടപടികള്‍ ആരംഭിച്ചിട്ടുണ്ട്. കമ്പനിയില്‍ നിന്ന് പ്ലാസ്റ്റികിന്റെ അംശം അബദ്ധത്തില്‍ കലര്‍ന്നതാണെന്നാണ് കണ്ടെത്തിയത്.

Ads by Google
Ads by Google
Loading...
LATEST NEWS
TRENDING NOW