Tuesday, December 11, 2018 Last Updated 1 Min 2 Sec ago English Edition
Todays E paper
Ads by Google
Saturday 13 Jan 2018 12.14 PM

തങ്ങളുടെ മുമ്പത്തെ അവിഹിതബന്ധം ഒരു മാസം മിണ്ടാതിരിക്കണം ; ട്രംപ് പോണ്‍ താരത്തിന് കൊടുത്തത് 130,000 ഡോളര്‍...!!!

uploads/news/2018/01/183244/don-trump.jpg

വാഷിംഗ്ടണ്‍: 2016 അമേരിക്കന്‍ തെരഞ്ഞെടുപ്പ് പ്രചരണ കാലം പ്രസിഡന്റ് ഡൊണാള്‍ഡ് ട്രംപിനെ സംബന്ധിച്ച് അവിഹിത കഥകളുടെ കാലം കൂടിയായിരുന്നു. അനേകര്‍ തങ്ങളുമായുള്ള ട്രംപിന്റെ അണിയറക്കഥകളുമായി പുറത്തു വന്നപ്പോള്‍ കൂട്ടത്തില്‍ ഒരു പോണ്‍ താരത്തിന് തന്റെ കഥകള്‍ മൂടിവെയ്ക്കാന്‍ ട്രംപ് കൊടുത്തത് ലക്ഷങ്ങളെന്ന റിപ്പോര്‍ട്ട്. ലോകപ്രശസ്ത പോണ്‍ താരമായ നീലച്ചിത്ര നടിക്ക് പണ്ടത്തെ അവിഹിതബന്ധം പുറത്തു പറയാതിരിക്കാന്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് 130,000 ഡോളര്‍ നല്‍കിയെന്നാണ് വിവരം. സ്‌റ്റോര്‍മി ഡാനിയേല്‍ എന്ന പേരില്‍ നീലച്ചിത്രങ്ങളില്‍ കാണാറുള്ള സ്‌റ്റെഫാനി ക്‌ളിഫോര്‍ഡിനായിരുന്നു തുക നല്‍കിയത്.

തെരഞ്ഞെടുപ്പ് പ്രചരണത്തിനിടയില്‍ വാര്‍ത്ത പുറത്തുവിടാതിരിക്കാന്‍ ഒരുമാസം നിശബ്ദമായി ഇരിക്കാനായിരുന്നു തുക. തന്റെ സ്വകാര്യ അഭിഭാഷകന്‍ വഴിയായിരുന്നു ട്രംപ് നടിയുമായി കരാറില്‍ ഏര്‍പ്പെട്ടതെന്നു റിപ്പോര്‍ട്ടില്‍ പറയുന്നു. മെലാനിയയെ വിവാഹം കഴിച്ച് ഒരു വര്‍ഷം കഴിഞ്ഞ് 2006 ല്‍ ഒരു ഗോള്‍ഫ് പരിപാടിക്കിടയില്‍ ലേക്ക് ടഹോയിയില്‍ വെച്ചായിരുന്നു ട്രംപ് സ്‌റ്റെഫാനിയുമായി കൂടിക്കാഴ്ച നടത്തിയത്. അന്ന് അവര്‍ക്ക് 26 വയസ്സായിരുന്നു പ്രായം. ഈ പരിപാടിയില്‍ അന്നുണ്ടായിരുന്ന പോണ്‍ താരം ജസ്സീകാ ഡ്രേക്ക് ട്രംപ് ക്‌ളിഫോര്‍ഡ് ഉള്‍പ്പെടെ മൂന്ന് യുവതികളെ ചുംബിക്കുന്നത് കണ്ടതായി 2016 ഒക്‌ടോബറില്‍ നടത്തിയ ഒരു വാര്‍ത്താസമ്മേളനത്തില്‍ പറഞ്ഞിരുന്നു. പണം കിട്ടിയിരുന്നില്ലാത്തതിനാലാണ് താന്‍ മുമ്പോട്ട് വരാഞ്ഞതെന്നും പറഞ്ഞിരുന്നു. എന്നാല്‍ ഡ്രേക്കിന്റെ വാദങ്ങള്‍ വെറും 'പുളുവടി' മാത്രമാണെന്നായിരുന്നു പിന്നീട് വൈറ്റ് ഹൗസ് ഉദ്യോഗസ്ഥര്‍ പ്രതികരിച്ചത്.

തന്റെയും ട്രംപിന്റെയും ബന്ധത്തെക്കുറിച്ച് എബിസി ന്യുസിന് നല്‍കിയ ഒരു അഭിമുഖത്തില്‍ എക്‌സ്‌ക്‌ളുസീവായി വിവരം പുറത്തുവിടാന്‍ സ്‌റ്റെഫാനി ഒരുങ്ങിയ സമയത്തായിരുന്നു ട്രംപ് അഭിഭാഷകന്‍ വഴി കരാറുണ്ടാക്കിയത്. തെരഞ്ഞെടുപ്പിന് മുമ്പുള്ള ഒരു മാസം മിണ്ടാതിരിക്കുന്നതിനായിട്ടാണ് സ്‌റ്റെഫാനിക്ക് ട്രംപ് ലക്ഷങ്ങളുടെ കരാറുണ്ടാക്കിയത്. സ്‌റ്റെഫാനിക്ക് വേണ്ടി അവരുടെ അഭിഭാഷകന്‍ കീത്ത് ഡേവിഡ് സണും ട്രംപിന് വേണ്ടി തന്റെ ദീര്‍ഘകാല അഭിഭാഷകനായ മൈക്കല്‍ കോഹനും തമ്മിലായിരുന്നു ഇടപാടുകള്‍ നടത്തിയത്. ക്‌ളിഫോര്‍ഡിന്റെ മൂന്‍ ഭര്‍ത്താവ് മൈക്കല്‍ മോസ്‌നിയും ഈ ആരോപണം നടത്തിയിരുന്നു. വാള്‍ സ്ട്രീറ്റ് ജേണലാണ് ഇന്നലെ വാര്‍ത്ത പുറത്തു വിട്ടത്. തെരഞ്ഞെടുപ്പ് കാലത്ത് 12 ലധികം സ്ത്രീകളാണ് ട്രംപിനെതിരേ ലൈംഗികാരോപണങ്ങളുമായി രംഗത്ത് വന്നത്.

Ads by Google
Saturday 13 Jan 2018 12.14 PM
YOU MAY BE INTERESTED
Ads by Google
Loading...
TRENDING NOW