Wednesday, June 27, 2018 Last Updated 10 Min 12 Sec ago English Edition
Todays E paper
Ads by Google
Tuesday 09 Jan 2018 08.04 AM

ആദ്യം കണ്ണാടിയിലൂടെ നോക്കി ചിരി, പിന്നീട് കുപ്പിയില്‍ വിരല്‍ കയറ്റി ആംഗ്യം ; ഡോക്ടറോട്‌ ലൈംഗിക താല്‍പ്പര്യം കാട്ടി ഡ്രൈവര്‍ കുടുങ്ങി

ബസില്‍ കയറിയപ്പോള്‍ മുതല്‍ ഡ്രൈവര്‍ കണ്ണാടിയിലുടെ നോക്കി ചിരിക്കുന്നുണ്ടായിരുന്നുവെന്ന് ഡോക്ടര്‍ പരാതിയില്‍ പറയുന്നു. ഇടയ്ക്ക് ഒരു കുപ്പിയില്‍ വിരല്‍ കയറ്റി കാണിച്ചു. ഏഴംകുളം പിന്നിട്ടപ്പോള്‍ മുതല്‍ ഡ്രൈവര്‍ സീറ്റിന്റെ വശത്ത് പിടിച്ചു കൊണ്ട് ഇയാള്‍ പിറകിലേക്ക് വിരല്‍ ചലിപ്പിച്ച് അശ്ലീലം കാണിക്കുകയായിരുന്നു.
uploads/news/2018/01/181966/driver.jpg

പത്തനംതിട്ട: യാത്രക്കാരിയായ ആയുര്‍വേദ ഡോക്ടര്‍ക്ക് നേരേ പല തവണ അശ്ലീലആംഗ്യം കാട്ടിയെന്ന പരാതിയില്‍ സ്വകാര്യ ബസ് ഡ്രൈവറുടെ െലെസന്‍സ് മൂന്നു മാസത്തേക്ക് ആര്‍.ടി.ഒ. സസ്‌പെന്‍ഡ് ചെയ്തു. ഡോക്ടറുടെ പരാതിയില്‍ കേസെടുക്കാന്‍ ജില്ലാ പോലീസ് മേധാവിയും ഉത്തരവിട്ടു.

കരുനാഗപ്പള്ളി - അടൂര്‍-കൊടുമണ്‍ പത്തനംതിട്ട റൂട്ടില്‍ സര്‍വീസ് നടത്തുന്ന ശ്രീദേവി ബസിന്റെ ഡ്രൈവര്‍ കരുനാഗപ്പള്ളി തഴവ സ്വദേശി നൗഷാദിന്റെ െലെസന്‍സാണ് ആര്‍.ടി.ഒ. എബി ജോണ്‍ സസ്‌പെന്‍ഡ് ചെയ്തത്. വനിതാ ഡോക്ടറുടെ പരാതി ഇ-മെയിലില്‍ ലഭിച്ച് മണിക്കൂറുകള്‍ക്കുള്ളില്‍ നടപടി സ്വീകരിച്ചുവെന്ന് ആര്‍.ടി.ഒ. അറിയിച്ചു.

ഞായറാഴ്ച രാവിലെ അടൂരില്‍നിന്ന് കൊടുമണിലേക്ക് പോകാന്‍ ബസില്‍ കയറിയ കൊല്ലം സ്വദേശിയായ ഡോക്ടര്‍ക്കാണ് ദുരനുഭവമുണ്ടായത്. ഡ്രൈവറുടെ സീറ്റിന് തൊട്ടുപിന്നിലാണ് ഡോക്ടര്‍ ഇരുന്നത്. ബസില്‍ കയറിയപ്പോള്‍ മുതല്‍ ഡ്രൈവര്‍ കണ്ണാടിയിലുടെ നോക്കി ചിരിക്കുന്നുണ്ടായിരുന്നുവെന്ന് ഡോക്ടര്‍ പരാതിയില്‍ പറയുന്നു. ഇടയ്ക്ക് ഒരു കുപ്പിയില്‍ വിരല്‍ കയറ്റി കാണിച്ചു. ഏഴംകുളം പിന്നിട്ടപ്പോള്‍ മുതല്‍ ഡ്രൈവര്‍ സീറ്റിന്റെ വശത്ത് പിടിച്ചു കൊണ്ട് ഇയാള്‍ പിറകിലേക്ക് വിരല്‍ ചലിപ്പിച്ച് അശ്ലീലം കാണിക്കുകയായിരുന്നു.

തന്നെ ലക്ഷ്യംവച്ചാണ് ആംഗ്യമെന്ന് മനസിലായതോടെ മൊെബെലില്‍ ചിത്രീകരിക്കുകയായിരുന്നു. കൊടുമണ്‍ സ്റ്റാന്‍ഡില്‍ വന്ന് ബസില്‍നിന്ന് ഇറങ്ങിയ ശേഷം ഡ്രൈവറുടെ മുഖം പകര്‍ത്താന്‍ ശ്രമിച്ചെങ്കിലും ഇയാള്‍ അത് മനസിലാക്കി തിരിഞ്ഞുനിന്നു. പിന്നെ ബസിന്റെ ചിത്രവും എടുത്തു.

ഈ വിവരം സുഹൃത്തായ മറ്റൊരു ഡോക്ടറോട് വനിതാ ഡോക്ടര്‍ പങ്കുവച്ചു. വീഡിയോയും അയച്ചു കൊടുത്തു. അദ്ദേഹം ഇത് സോഷ്യല്‍ മീഡിയയില്‍ പ്രചരിപ്പിച്ചു. കൊല്ലം ആര്‍.ടി.ഓയെ ഇക്കാര്യം അറിയിക്കുകയും ചെയ്തു. അദ്ദേഹത്തിന്റെ നിര്‍ദേശപ്രകാരം വനിതാ ഡോക്ടര്‍ ഇന്നലെ രാവിലെ പത്തനംതിട്ട ആര്‍.ടി.ഓയ്ക്കും ജില്ലാ പോലീസ് മേധാവിക്കും പരാതി ഇ-മെയില്‍ ആയി അയക്കുകയായിരുന്നുവെന്നും പരാതിയില്‍ പറയുന്നു.

പരാതി ലഭിച്ചയുടന്‍ തന്നെ ആര്‍.ടി.ഒ. ഡ്രൈവറെ വിളിച്ചു വരുത്തി മൊഴിയെടുത്ത ശേഷം െലെസന്‍സ് റദ്ദാക്കി. എസ്.പിക്ക് ലഭിച്ച പരാതി തുടര്‍നടപടിക്കായി അടൂര്‍ ഡിെവെ.എസ്.പിക്ക് െകെമാറി. ഒന്നിലധികം തവണ വിവാഹം കഴിച്ചിട്ടുള്ളയാളാണ് നൗഷാദെന്ന് പോലീസ് പറഞ്ഞു. ഇയാള്‍ക്കെതിരേ മുമ്പും സമാന പരാതി ലഭിച്ചിട്ടുണ്ട്.

Ads by Google
Tuesday 09 Jan 2018 08.04 AM
YOU MAY BE INTERESTED
Ads by Google
Loading...
TRENDING NOW