Thursday, April 05, 2018 Last Updated 44 Min 12 Sec ago English Edition
Todays E paper
Ads by Google
Saturday 23 Dec 2017 03.11 PM

മനുഷ്യാവകാശ നിയമങ്ങള്‍

uploads/news/2017/12/177265/Weeklytips231217.jpg

മനുഷ്യനു നേരെയുള്ള കുറ്റകൃത്യങ്ങളും അതിക്രമങ്ങളും പെരുകുന്ന ഇക്കാലത്ത് ഓരോ വ്യക്തിയും സ്വന്തം അവകാശങ്ങളെക്കുറിച്ച് ബോധവാന്മാരാകേണ്ടതുണ്ട് .

തെറ്റ് എന്ന് ഉറപ്പുള്ള എന്തിനോടും എതിര്‍ക്കാനും നീതിക്കു വേണ്ടി നിലകൊള്ളാനും അവനവന്റെ അവകാശങ്ങള്‍ അറിഞ്ഞിരിക്കണം. മനുഷ്യാവകാശ നിയമത്തെക്കുറിച്ചുള്ള അവബോധം ഇതിന് കൂടിയേതീരൂ. ഇന്ത്യന്‍ ഭരണഘടന ഉറപ്പാക്കുന്ന മനുഷ്യാവകാശനിയമങ്ങളെ കുറിച്ച്...

ഭരണഘടനയിലോ അന്താരാഷ്ര്ട പ്രഖ്യാപനങ്ങളിലോ ഉറപ്പുനല്‍കുന്നതും വ്യക്തിയുടെ ജീവനും , സ്വാതന്ത്ര്യത്തിനും, സമത്വത്തിനും, അന്തസ്സിനുമുള്ള മാനുഷികമായ ഏതൊരവകാശത്തെയും മനുഷ്യാവകാശം എന്നു വിളിക്കാം.

ഇന്ത്യയില്‍ ഇത്തരം അവകാശങ്ങളുടെ പരിരക്ഷ മുന്‍നിര്‍ത്തി രൂപം നല്‍കിയിട്ടുള്ള സ്ഥാപനമാണ് ദേശീയ മനുഷ്യാവകാശ കമ്മിഷന്‍. 1993 ല്‍ ഇന്ത്യന്‍ പാര്‍ലമെന്റ് പാസ്സാക്കിയ മനുഷ്യാവകാശ സംരക്ഷണ നിയമം അനുശാസിക്കുന്ന അധികാരങ്ങളും ഉത്തരവാദിത്വങ്ങളും നിര്‍വഹിക്കുകയാണ് ദേശീയ മനുഷ്യാവകാശ കമ്മിഷന്റെ ചുമതല.

ദേശീയ മനുഷ്യാവകാശ കമ്മിഷന് പുറമേ ഓരോ സംസ്ഥാനത്തും സംസ്ഥാന മനുഷ്യാവകാശ കമ്മിഷനുകളും പ്രവര്‍ത്തിക്കുന്നു. ദേശീയ കമ്മിഷന്റെ ചെയര്‍മാന്‍ ഇന്ത്യന്‍ ചീഫ് ജസ്റ്റിസ് പദവി വഹിച്ചിരുന്നയാള്‍ ആയിരിക്കണം. ചെയര്‍മാനെ കൂടാതെ നാല് അംഗങ്ങള്‍കൂടി കമ്മിഷനിലുണ്ടാവണമെന്ന് നിയമം അനുശാസിക്കുന്നു.

1. നിലവിലെ കേന്ദ്ര മനുഷ്യാവകാശ കമ്മീഷന്റെ ഘടന


* സുപ്രീം കോടതിയില്‍ നിന്നും ഔദ്യോഗികമായി വിരമിച്ച ചീഫ് ജസ്റ്റീസാവും കമ്മിഷന്റെ ചെയര്‍മാന്‍.

* സുപ്രീം കോടതിയിലെ ഒരു ജസ്റ്റീസും കമ്മിഷന്‍ അംഗമാണ്.

* സംസ്ഥാന ഹൈകോടതിയെ പ്രതിനിധികരിച്ച് ഒരു ഹൈക്കോടതി ചീഫ് ജസ്റ്റീസും ഉണ്ടാവും.

* മനുഷ്യാവകാശ സംരക്ഷണവുമായി ബന്ധപ്പെട്ട് പ്രവര്‍ത്തിക്കുന്ന സാമൂഹിക പ്രവര്‍ത്തകരായ 2 അംഗങ്ങളും ഉണ്ടാവും.

2. കമ്മിഷന്റെ അധികാരങ്ങളും ഉത്തരവാദിത്തങ്ങളും


മനുഷ്യാവകാശ ലംഘനം സംബന്ധിച്ചോ അത്തരം സംഭവം ഒഴിവാക്കുന്നതിലെ ഉപേക്ഷ സംബന്ധിച്ചോ പ്രസ്തുത കൃത്യത്തിന് വിധേയനാകുന്ന വ്യക്തിയോ, വിഭാഗമോ നല്‍കുന്ന പരാതിയിന്മേല്‍ അന്വേഷണം നടത്തുക എന്നതാണ് കമ്മിഷന്റെ പ്രധാന ഉത്തരവാദിത്വം .

3. കമ്മിഷന്‍ ഊന്നല്‍ കൊടുത്തിരിക്കുന്ന അവകാശങ്ങള്‍

* വ്യക്തിയുടെ സ്വകാര്യ അവകാശങ്ങള്‍.

* രാഷ്ര്ടീയപരമായ അവകാശങ്ങള്‍.

* സാമ്പത്തികപരമായ അവകാശങ്ങള്‍ .

* സാംസ്‌കാരിക അവകാശങ്ങള്‍.

* സാമൂഹികമായ അവകാശങ്ങള്‍ .

4. കമ്മിഷന് മുന്‍പാകെ എങ്ങനെയൊക്കെ പരാതികള്‍ എത്താം

* സ്വമേധയാല്‍ : പരാതിയൊന്നും കൂടാതെ കമ്മിഷന്റെ ശ്രദ്ധയില്‍പ്പെടുന്ന കാര്യങ്ങള്‍ക്ക് നേരിട്ട് അന്വേഷണം നടത്തുന്ന രീതി.

* പരാതിയുടെ അടിസ്ഥാനത്തില്‍ : നേരിട്ട പ്രയാസത്തിന്റെ പേരില്‍ വ്യക്തിക്ക് നേരിട്ടും അല്ലാതെയും പരാതിപ്പെടാം. മറ്റൊരാളുടെ പ്രശ്‌നത്തില്‍ പരാതിപ്പെടുന്ന സാഹചര്യത്തില്‍ പരാതിക്കാരന് പ്രശ്‌നത്തെക്കുറിച്ച് പൂര്‍ണബോധ്യം ഉണ്ടായിരിക്കണം.

* സാധാരണ കേസ് കൊടുക്കുന്ന രീതിയില്‍ അഭിഭാഷകന്‍ മുഖേനയും പരാതി സമര്‍പ്പിക്കാം.

5. നടപടി ക്രമങ്ങള്‍


മനുഷ്യാവകാശ കമ്മിഷന് സിവില്‍ കോടതിയുടേതായ എല്ലാ അധികാരങ്ങളും ഉണ്ട്.

കക്ഷികളെയും സാക്ഷികളെയും നോട്ടീസയച്ച് വിളിച്ചുവരുത്തുക, സത്യം ചെയ്യിച്ച് മൊഴിയെടുക്കുക, രേഖകള്‍ ആവശ്യപ്പെടുകയും പരിശോധിക്കുകയും ചെയ്യുക, നേരിട്ടോ പ്രതിനിധികള്‍ മുഖാന്തരമോ തെളിവെടുക്കുക, ഇതര കോടതികളില്‍ നിന്നോ ഓഫീസുകളില്‍ നിന്നോ പൊതു രേഖകള്‍ ആവശ്യപ്പെടുക എന്നിവ കമ്മിഷന്റെ അധികാരത്തില്‍ ഉള്‍പ്പെടുന്നവയാണ്. പലരും കരുതുന്നതുപോലെ കമ്മിഷന് നേരിട്ടുള്ള അന്വേഷണ ഏജന്‍സികളില്ല.

അതുകൊണ്ടുതന്നെ ലഭിക്കുന്ന പരാതികള്‍ തുടര്‍നടപടികള്‍ക്കായി അംഗീകൃത അന്വേഷണ ഏജന്‍സികള്‍ക്ക് (കേന്ദ്രസംസ്ഥാന പോലീസ് സംവിധാനം) അയച്ചുകൊടുക്കുന്നതാണ് രീതി. നഷ്ടപരിഹാരം നിര്‍ദ്ദേശിക്കുന്ന കേസുകളില്‍ അവ ലഭ്യമായെന്ന് കമ്മിഷന്‍ ഉറപ്പുവരുത്തേണ്ടതുണ്ട്.

6. മറ്റു അധികാരങ്ങള്‍

* ജയിലുകള്‍, സംരക്ഷണാലയങ്ങള്‍, പുനരധിവാസ കേന്ദ്രങ്ങള്‍, ചികിത്സാലയങ്ങള്‍ മുതലായവ സന്ദര്‍ശിക്കുകയും പരിഷ്‌കരണ നിര്‍ദ്ദേശങ്ങള്‍ സമര്‍പ്പിക്കുകയും അവിടങ്ങളിലെ അന്തേവാസികളുടെ ക്ഷേമം ഉറപ്പാക്കുകയും ചെയ്യുക.

* ഭരണഘടനാപരവും നിയമപരവുമായ നിലവിലുള്ള മനുഷ്യാവകാശ പരിരക്ഷാസംവിധാനങ്ങളുടെ നിര്‍വ്വഹണവും ഫലപ്രാപ്തിയും വിലയിരുത്തി യുക്തമായ നിര്‍ദ്ദേശങ്ങള്‍ ലഭ്യമാക്കുക.

* മനുഷ്യാവകാശ ധ്വംസനങ്ങള്‍, അതിക്രമങ്ങള്‍, ഭീകര പ്രവര്‍ത്തനങ്ങള്‍ മുതലായവ സംബന്ധിച്ച് നിരീക്ഷണങ്ങള്‍ നടത്തി പരിഹാരങ്ങള്‍ നിര്‍ദ്ദേശിക്കുക.

* മനുഷ്യാവകാശത്തെ സംബന്ധിച്ച അന്തര്‍ദ്ദേശീയ കരാറുകള്‍, പ്രഖ്യാപനങ്ങള്‍ മുതലായവ വിശകലനം ചെയ്ത് പ്രായോഗിക നടപടികള്‍ നിര്‍ദ്ദേശിക്കുക.

7. സംസ്ഥാന കമ്മീഷന്‍


ദേശീയ മനുഷ്യാവകാശ കമ്മിഷന് സമാനമായ അധികാരങ്ങളോട് കൂടി സംസ്ഥാനങ്ങളിലും മനുഷ്യാവകാശ കമ്മീഷനുകള്‍ രൂപീകരിക്കാന്‍ നിയമം വ്യവസ്ഥ ചെയ്യുന്നു.

ഹൈക്കോടതിയിലെ മുഖ്യ ന്യായാധിപന്റെ പദവിയിലിരുന്നയാളായിരിക്കണം സംസ്ഥാന മനൂഷ്യാവകാശ കമ്മിഷന്റെ അദ്ധ്യക്ഷനാവേണ്ടത്. കേരളത്തിലെ കമ്മിഷന് അദ്ധ്യക്ഷനെക്കൂടാതെ നിലവില്‍ രണ്ട് അംഗങ്ങള്‍ ഉണ്ട്. അത് നാലുവരെ ആകാം.

അഡ്വ.ജോസി കുര്യന്‍
ഹൈക്കോടതി ,കൊച്ചി .

മീട്ടു റഹ്മത്ത് കലാം

Ads by Google
Ads by Google
LATEST NEWS
TRENDING NOW