Friday, June 22, 2018 Last Updated 9 Min 31 Sec ago English Edition
Todays E paper
Ads by Google
Thursday 07 Dec 2017 10.21 AM

കാത്തിരിപ്പിനൊടുവില്‍ താരവിവാഹം; വിരാട് കോഹ്‌ലി അനുഷ്‌ക വിവാഹം ഏറെ പ്രത്യേകതകളോടെ

uploads/news/2017/12/172330/virat.jpg

ആരാധകരുടെ കാത്തിരിപ്പിനൊടുവില്‍ ടീം ഇന്ത്യയുടെ നായകന്‍ വിരാട് കോഹ്ലിയും ബോളിവുഡ് താരം അനുഷ്‌ക്ക ശര്‍മ്മയും വിവാഹിതരാകുന്നു. ഇരുവരും പ്രണയത്തിലാണെന്ന വാര്‍ത്ത പുറത്തു വന്ന നാള്‍മുതല്‍ ആരാധകര്‍ ഇരുവരുടേയും വിവാഹത്തിനായി കാത്തിരിപ്പിലായിരുന്നു. ഒരുമിച്ചുള്ള ഇരുവരുടേയും യാത്രകളും ചിത്രങ്ങളുമെല്ലാം സോഷ്യല്‍ മീഡിയയില്‍ സൂപ്പര്‍ ഹിറ്റായിരുന്നു.

വര്‍ഷങ്ങളായി അടുപ്പത്തിലായിരുന്ന ഇരുവരും 2015 ല്‍ വേര്‍പിരിഞ്ഞതായി വാര്‍ത്തകള്‍ വന്നുവെങ്കിലും വീണ്ടും ഒരുമിക്കുകയായിരുന്നു. കോഹ്ലിയുടെ മോശം ഫോമിനെ തുടര്‍ന്ന് അനുഷ്‌കക്കെതിരെ വിമര്‍ശനങ്ങള്‍ ഉണ്ടായപ്പോള്‍ കോഹ്ലി തന്നെ അനുഷ്‌ക്കയ്ക്ക് വേണ്ടി രംഗത്തെത്തിയിരുന്നു.

uploads/news/2017/12/172330/virat-1.jpg

എന്നാല്‍ ഒടുവില്‍ ആ സന്തോഷ വാര്‍ത്ത എത്തിയിരിക്കുകയാണ്. വിരാട് അനുഷ്‌ക വിവാഹ വാര്‍ത്തയുടെ റിപ്പോര്‍ട്ടാണ് പുറത്തുവന്നത്. ഇന്ത്യാ ടുഡേയുടെ റിപ്പോര്‍ട്ട് പ്രകാരം ഈ മാസം തന്നെ ഇരുവരും വിവാഹിതരാവുമെന്നാണ് വിവരം. ഈ മാസം രണ്ടാം വാരം ഏതെങ്കിലും ദിവസമായിരിക്കും വിവാഹം നടക്കുക. ഇതിനായി അടുത്ത ദിവസം തന്നെ കോഹ്ലി ഇറ്റലിയിലേക്ക് പുറപ്പെടും.

കോഹ്ലിയുടെ അടുത്ത സുഹൃത്തുക്കളും ബന്ധുക്കളും വിവാഹത്തില്‍ പങ്കെടുക്കാന്‍ ഇറ്റലിയിലേക്ക് ടിക്കറ്റ് ബുക്ക് ചെയ്തതായും റിപ്പോര്‍ട്ടുണ്ട്. മിലാനിലായിരിക്കും വിവാഹം നടക്കുക. വിവാഹത്തില്‍ ഇന്ത്യന്‍ ക്രിക്കറ്റ് താരങ്ങളൊന്നും തന്നെ പങ്കെടുത്തേക്കില്ല. ഇവര്‍ക്ക് വേണ്ടി ഇന്ത്യയില്‍ പിന്നീട് വിരുന്നൊരുക്കും.

Ads by Google
Ads by Google
Loading...
TRENDING NOW