Friday, December 08, 2017 Last Updated 9 Min 37 Sec ago English Edition
Todays E paper
Ads by Google
Monday 09 Oct 2017 11.19 AM

അവന്‍ പല്ലില്ലാത്ത മോണ കാട്ടി മുഖത്തേക്ക് നോക്കി നീട്ടി ചിരിച്ചു ; വൈറലായി ഒരു പിഞ്ചുകുഞ്ഞിന്റെയും പോലീസ് ഓഫീസറുടെയും ചിത്രം

uploads/news/2017/10/153840/si.jpg

ഹൈദരാബാദ്: തന്നെ രക്ഷിച്ചെടുത്തത് ഈ പോലീസുകാരനാണെന്ന് അവന്‍ തിരിച്ചറിഞ്ഞതാണോ എന്നറിയില്ല. കാക്കി കുപ്പായക്കാരന്റെ കൈകളില്‍ കിടന്ന് ഏറ്റവും നിഷ്‌ക്കളങ്കവും മനോഹരവുമായി അവന്‍ ഒന്നു നീട്ടി ചിരിച്ചു. ആ ചിരി നാമ്പള്ളി പോലീസ് സ്‌റ്റേഷനിലെ എസ്‌ഐ ആര്‍ സഞ്ജയ് കുമാറിനെ മാത്രമല്ല സന്ദര്‍ഭത്തിന് സാക്ഷിയായവര്‍ക്ക് പുറമേ സാമൂഹ്യ മാധ്യമങ്ങളിലൂടെ കണ്ടവരുടെയെല്ലാം മനസ്സില്‍ പോലും സംതൃപ്തിയും നിര്‍വൃതിയും നിറച്ചുകളഞ്ഞു. കയ്യിലിരുന്ന് പിഞ്ചു കുഞ്ഞ് ചിരിക്കുന്നതും അത് സന്തോഷത്തോടും അങ്ങേയറ്റം ആനന്ദത്തോടെയും നോക്കുന്ന പോലീസുകാരന്റെയും ഈ അനര്‍ഘ നിമിഷം ഇപ്പോള്‍ ഫേസ്ബുക്കില്‍ ലൈക്കുകളോട് ലൈക്കുകളുമായി നിറഞ്ഞോടുകയാണ്.

ഹൈദരാബാദില്‍ ഭിക്ഷാടകയായ അമ്മയുടെ കരങ്ങളില്‍ നിന്നും തട്ടിക്കൊണ്ടു പോകലിന് ഇരയാകുകയും 15 മണിക്കൂറിനുള്ളില്‍ തന്നെ കുഞ്ഞിനെ തിരിച്ചു പിടിക്കുകയും ചെയ്ത ഹൈദരാബാദിലെ സംഭവത്തിലെ ക്‌ളൈമാക്‌സ് ദൃശ്യമാണ് ഫേസ്ബുക്കിലും ട്വിറ്ററിലുമായി ഷെയറും ലൈക്കുമായി നിറഞ്ഞാടുന്നത്. ഹൈദരാബാദ് അഡീഷണല്‍ കമ്മീഷണര്‍ സ്വാതി ലാക്‌റ ട്വിറ്ററില്‍ പോസ്റ്റ് ചെയ്ത പിഞ്ചുകുഞ്ഞിന്റെയും പോലീസ് ഓഫീസറുടെയും ചിത്രം 20,000 പേര്‍ ഷെയര്‍ ചെയ്തു കഴിഞ്ഞു. നാമ്പള്ളിയില്‍ ഭിക്ഷാടനം നടത്തുന്ന 21 കാരി ഹുമേറാ ബീഗത്തിന്റെ മകന്‍ ഫൈസാന്‍ ഖാനെ ബുധനാഴ്ച പുലര്‍ച്ചെ 4.30 യ്ക്കായിരുന്നു രണ്ടു പേര്‍ തട്ടിക്കൊണ്ടു പോയത്. ഉറക്കമെഴുന്നേറ്റപ്പോള്‍ കുട്ടിയെ കാണാതെ നിലവിളിച്ച അവര്‍ പിന്നീട് മാമ്പള്ളി പോലീസിന്റെ സഹായം തേടുകയായിരുന്നു.

uploads/news/2017/10/153840/si-1.jpg

സിസിടിവി ഫൂട്ടേജ് പരിശോധിച്ചപ്പോഴാണ് 42 കാരനായ മുഹമ്മദ് മുഷ്താഖിലേക്കും 25 കാരനായ മുഹമ്മദ് യൂസുഫിലേക്കും അന്വേഷണം നീണ്ടത്. മുഷ്താഖിന്റെ മക്കളില്ലാത്ത ബന്ധു മുഹമ്മദ് ഗൂസിന് ഒരു കുഞ്ഞിനെ ദത്തെടുക്കാനുള്ള ആഗ്രഹം നേരത്തേ പറഞ്ഞിരുന്നു. ഇതിന്റെ അടിസ്ഥാനത്തില്‍ ഇരുവരും ചേര്‍ന്ന് ഹുമേറാ ബീഗത്തിന്റെ കുട്ടിയെ തട്ടിയെടുക്കുകയായിരുന്നു. എന്നാല്‍ കുട്ടിയുടെ രക്ഷിതാക്കളെ കൊണ്ടു വരാത്തതും സംശയം തോന്നിയതിനാലും കുട്ടിയെ വേണ്ടെന്ന് മുഹമ്മദ് നിലപാടെടുത്തതോടെ ഇരുവരും കുഞ്ഞുമായി തിരികെ പോകുമ്പോഴാണ് പോലീസ് അറസ്റ്റ് ചെയ്തത്. തട്ടിക്കൊണ്ടു പോകലിന് ഇരിയായി 24 മണിക്കൂര്‍ എത്തും മുമ്പ് തന്നെ കണ്ടെത്തിയപ്പോഴാണ് അവന്‍ പല്ലില്ലാത്ത മോണകാട്ടി പോലീസ് ഉദ്യോഗസ്ഥനെ നോക്കി ചിരിച്ചത്. ഉന്നത പോലീസ് ഉദ്യോഗസ്ഥ പങ്കുവെച്ച ഈ അസാധാരണ നിമിഷം ഇപ്പോള്‍ നാട്ടുകാരില്‍ മുഴുവന്‍ സംതൃപ്തി പരത്തുകയാണ്.

Ads by Google
Ads by Google
TRENDING NOW