Monday, October 02, 2017 Last Updated 47 Min 21 Sec ago English Edition
Todays E paper
Ads by Google
Thursday 28 Sep 2017 03.51 PM

കൊളസ്‌ട്രോളുണ്ടോ ?എന്തൊക്കെ കഴിക്കാം

നല്ല നിറവും മണവുമുള്ള ഫാസ്റ്റ് ഫുഡ് ശീലമാക്കിയാല്‍ കൊളസ്ട്രോള്‍ കൂടുമെന്നതില്‍ സംശയം വേണ്ട. നിയന്ത്രണം എങ്ങനെ, എവിടെ തുടങ്ങാം?
uploads/news/2017/09/150672/HELTHTIPS280917.jpg

ഫാസ്റ്റ് ഫുഡ് സംസ്‌കാരം ഇന്നത്തെ തലമുറയെ ഏറെക്കുറെ കീഴടക്കിക്കഴിഞ്ഞു. വറുത്തത്, പൊരിച്ചത്, നിറമുള്ളത്, രുചിയും മണവുമുള്ളത് എന്നിങ്ങ നെയുള്ള ഭക്ഷണങ്ങള്‍ തീന്‍മേശകള്‍ കീഴടക്കുന്നു.

രുചിയുള്ള ഭക്ഷണം തേടി പോകുമ്പോള്‍ പലരും ആരോഗ്യം മറക്കുന്നു. ഭക്ഷണ രീതിയിലുണ്ടായ വ്യത്യാസം കൊളസ്ട്രോള്‍ പോലെയുള്ള ജീവിതശൈലിരോഗങ്ങള്‍ക്ക് കാരണമാകാം.

ഇത്തരം ഭക്ഷണശൈലി പിന്‍തുടരുന്നവരുടെ ശരീരത്തില്‍ കൊഴുപ്പിന്റെ അളവ് കൂടി അവര്‍ പ്രമേഹത്തിന്റെയും കൊളസ്ട്രോളിന്റെയും അടിമകളാകുമെന്നതില്‍ സംശയമില്ല.

എണ്ണ കുറയ്ക്കാം


എണ്ണ ഉപയോഗം കുറയ്ക്കുക എന്നതാണ് കൊളസ്ട്രോള്‍ നിയന്ത്രണത്തില്‍ പ്രധാനം. ഒരിക്കല്‍ ഉപയോഗിച്ച എണ്ണ വീണ്ടും ഉപയോഗിക്കുന്നത് നല്ലതല്ല. ഏതുതരം എണ്ണയാണെങ്കിലും കുറച്ചു മാത്രം ഉപയോഗിക്കുക. വെളിച്ചെണ്ണയ്ക്കു പകരം ഒലീവ് എണ്ണ, സൂര്യകാന്തി എണ്ണ, തവിട് എണ്ണ എന്നിവ ഉപയോഗിച്ചാല്‍ കൊളസ്‌ട്രോള്‍ നിയന്ത്രിക്കാം.

വ്യായാമം പ്രധാനം


ഭക്ഷണക്രമീകരണത്തോടൊപ്പം വ്യായാമവും ശീലമാക്കിയാല്‍ കൊളസ്ട്രോള്‍ നിയന്ത്രിക്കാം. ശാരീരിക ആരോഗ്യം നിലനിര്‍ത്താനും കൊളസ്ട്രോള്‍ കുറയ്ക്കാനും മരുന്നിനേക്കാള്‍ ഉചിതം വ്യായാമം ചെയ്യുന്നതാണ്. വ്യായാമ മുറകള്‍ പ്രധാനമായും രണ്ട് തരമുണ്ട്. എയ്റോബിക്കും അനെയ്റോബിക്കും.

എയ്റോബിക്, ശ്വസന സഹായ വ്യായാമമാണ്. ഹൃദ്രോഗമുള്ളവര്‍ക്ക് അനുയോജ്യമാണിത്. നടത്തം, ജോഗിംഗ്, നീന്തല്‍ തുടങ്ങിയവ ഇതില്‍പെടുന്നു. വെയ്റ്റ് ലിഫ്റ്റിംഗ്, ബോഡി ബില്‍ഡിംഗ് എന്നിവപോലെയുള്ള ശ്വസനപ്രക്രിയ നടത്തുവാന്‍ സാധിക്കാതെ ഉള്ളവയാണ് അനെയ്റോബിക് വ്യായാമം.

uploads/news/2017/09/150672/HELTHTIPS280917A.jpg

ജീവിതശൈലി


1. അമിത വണ്ണമുള്ളവര്‍ അത് കുറയ്ക്കുക. ഉയരത്തിനനുസരിച്ച് ശരീരഭാരം നിലനിര്‍ത്തുക.
2. ഭക്ഷണത്തിലെ കൊളസ്ട്രോള്‍ 200 മില്ലിഗ്രാമില്‍ താഴെയാക്കുക.

3. കൊഴുപ്പിന്റെ ഉപയോഗം കുറയ്ക്കുക.
4. പഞ്ചസാരയും ഉപ്പും മിതമാക്കുക.

5. കൃത്യമായി വ്യായാമം ചെയ്യുക.
6. പുകവലി പൂര്‍ണമായി നിര്‍ത്തുക.

7. മദ്യപാനം കഴിയുന്നതും ഒഴിവാക്കുക.
8. രക്താതിസമ്മര്‍ദ്ദം, പ്രമേഹം എന്നിവ നിയന്ത്രിക്കുക.

മെനുവില്‍ ശ്രദ്ധ വേണം


നാരടങ്ങിയ പച്ചക്കറികളും പഴങ്ങളും കൊളസ്ട്രോള്‍ നിയന്ത്രിക്കാന്‍ സഹായിക്കുന്നു. ഭക്ഷണത്തില്‍ നിന്നും കൊളസ്ട്രോള്‍ ഘടകങ്ങളെ പുറന്തള്ളാന്‍ നാരുകളടങ്ങിയ ഭക്ഷണം കഴിക്കാം. എല്ലാ ദിവസവും ഭക്ഷണം കഴിക്കുന്നതിന് മുമ്പ് വേവിക്കാത്ത പച്ചക്കറികള്‍ കൊണ്ടുള്ള സലാഡ് കഴിക്കുന്നത് നല്ലതാണ്. ഇടനേരങ്ങളില്‍ ചിപ്സിന് പകരം സലാഡ് പരീക്ഷിക്കാം.

ഭക്ഷണം പ്രധാനം


1. സോയാബീന്‍, മത്തി, അയില എന്നിവ ധാരാളം കഴിക്കുക.
2. കറിവേപ്പില, മല്ലിയില, വെളുത്തുള്ളി, അധികം പഴുക്കാത്ത പേരക്ക എന്നിവ ദിവസേന കഴിക്കുക.

3. കാബേജ്, ബീന്‍സ്, പയര്‍, തൊലിയോടെ പുഴുങ്ങിയ ഉരുളക്കിഴങ്ങ് എന്നിവ ഭ ക്ഷണത്തില്‍ ഉള്‍പ്പെടുത്തുക.
4. തവിട് അടങ്ങിയ ധാന്യം, ഓട്‌സ്, ബാര്‍ലി എന്നിവ സ്ഥിരമായി കഴിക്കുക. കശുവണ്ടി, ബദാം എന്നിവ കഴിക്കുന്നതും നല്ലതാണ്.

5. ചുവന്ന വീഞ്ഞില്‍ അടങ്ങിയിരിക്കുന്ന ആന്റിഓക്സിഡന്റുകള്‍ കൊളസ്ട്രോള്‍ നിയന്ത്രിക്കാന്‍ സഹായിക്കും.
6. ചീര,മുരിങ്ങയില എന്നിവയും കൊളസ്ട്രോള്‍ നിയന്ത്രണത്തിന് നല്ലതാണ്.

7. ഗ്രീന്‍ ടീ പതിവായി കഴിക്കുക.
8. കാരറ്റ് പച്ചയ്ക്കോ ജ്യൂസ് അടിച്ചോ കഴിക്കാം. വേവിച്ചു കഴിക്കുന്നതിന് പകരം സലാഡില്‍ ഉള്‍പ്പെടുത്തുക.

9. പാട മാറ്റിയ പാല്‍ ഉപയോഗിക്കാം.
10. മാംസാഹാരം, എണ്ണയില്‍ വറുത്തത് എന്നിവ പരമാവധി ഒഴിവാക്കുക.

11. ഉപ്പന് പകരം ഇന്തുപ്പ് ഉപയോഗിക്കാം.
12. മധുരപലഹാരങ്ങള്‍, കോള, ലഘുപാനീയങ്ങള്‍ കേക്ക്, പേസ്ട്രി, ന്യുഡില്‍സ്,ചോക്ലേറ്റ്, ഐസ്‌ക്രീം എന്നിവയും പൂര്‍ണ്ണമായും ഒഴിവാക്കണം.

അശ്വതി അശോക്

Ads by Google
Advertisement
Ads by Google
Ads by Google
TRENDING NOW