Tuesday, September 26, 2017 Last Updated 1 Min 52 Sec ago English Edition
Todays E paper
Ads by Google
Wednesday 13 Sep 2017 12.15 PM

സൗത്ത് വെസ്റ്റ് അമേരിക്കന്‍ ഭദ്രാസനത്തിന്റെ അസി. മെത്രാപ്പോലീത്തയായി സഖറിയാസ് മാര്‍ അപ്രേം നിയമിതനായി

uploads/news/2017/09/145623/usa130917c.jpg

ന്യൂയോര്‍ക്ക്: സൗത്ത് വെസ്റ്റ് അമേരിക്കന്‍ ഭദ്രാസനത്തിന്റെ അസി. മെത്രാപ്പോലീത്തയായി സഖറിയാസ് മാര്‍ അപ്രേമിനെ പരി. കാതോലിക്ക ബാവ നിയമിച്ചു. അടൂര്‍ കടമ്പനാട് ഭദ്രാസന അധ്യക്ഷനായിരുന്നു.

മലബാര്‍ ഭദ്രാസനത്തിന്റെ കീഴിലുള്ള ചുങ്കത്ര സെന്റ് ജോര്‍ജ് വലിയപള്ളി ഇടവക അംഗമായിരുന്നു. കോഴിക്കോട് മലബാര്‍ ക്രിസ്ത്യന്‍ കോളേജില്‍ നിന്ന് സയന്‍സില്‍ ബിരുദം നേടിയ ശേഷം കോട്ടയം ഓര്‍ത്തഡോക്‌സ് തിയോളജിക്കല്‍ സെമിനാരിയില്‍ ചേര്‍ന്നു.

സെറാമ്പോര്‍ യൂണിവേഴ്‌സിറ്റിയില്‍ നിന്നും സേക്രഡ് തിയോളജിയില്‍ ബിരുദാനന്തര ബിരുദം. ബാംഗ്ലൂരിലെ ധര്‍മ്മാരാം തിയോളജിക്കല്‍ കോളേജില്‍ നിന്ന് തിയോളജിയില്‍ മാസ്‌റ്റേഴ്‌സ് എടുത്ത ശേഷം ബാദ്‌ലോറില്‍ സാത്രിയില്‍ നിന്നു തീയോളജിയില്‍ ഡീലിറ്റ് കരസ്ഥമാക്കി.

മലങ്കര സഭാ മാസികയുടെ പത്രാധിപര്‍, സെമിനാരി റിലേഷന്‍സ് കമ്മിറ്റി, സെമിനാരി ഗവേണിംഗ് ബോര്‍ഡ്, ബൈബിള്‍ സൊസൈറ്റി (കേരള സര്‍ക്യൂട്ടലി), എ.ടി.എസ് കെ.ടി.എം റജിസ്ട്രാര്‍, പരിശുദ്ധ കാതോലിക്ക ബാവയുടെ പ്രിന്‍സിപ്പല്‍ സെക്രട്ടറി തുടങ്ങിയ നിരവധി ഉത്തരവാദിത്തപ്പെട്ട സ്ഥാനങ്ങള്‍ വഹിച്ചിട്ടുണ്ട്.

മലങ്കര സഭയുടെ ഓര്‍ത്തഡോക്‌സ് തിയോളജിക്കല്‍ സെമിനാരി പ്രൊഫസറായും പ്രവര്‍ത്തിക്കുന്ന ഇദ്ദേഹം മികച്ചൊരു വാഗ്മിയും എഴുത്തുകാരനുമാണ്. 1992 മാര്‍ച്ച് 14ന് കോഴ്‌സികോട്ട സെന്റ് ജോര്‍ജ് ചര്‍ച്ചില്‍ ശെമ്മാശനായി നിയമിതനായി. തുടര്‍ന്ന് സെന്റ് തോമസ് ബാംഗ്ലൂര്‍, സെന്റ് ഗ്രിഗോറിയോസ് സേലം, മാര്‍ ഗ്രിഗോറിയോസ് നിലമ്പൂര്‍, സെന്റ് ജോര്‍ജ് കത്തീഡ്രല്‍, സെന്റ് മേരീസ് അകമ്പടം, സെന്റ് സ്റ്റെഫാന്‍സ് കാരാപ്പുറം, സെന്റ് മേരീസ് ഷൊര്‍ണ്ണൂര്‍, സെന്റ് തോമസ് നട്ടാശ്ശേരി, മാര്‍ ബസേലിയോസ്, മാര്‍ ഗ്രിഗോറിയോസ് താഴത്തങ്ങാടി എന്നീ ഇടവകകളിലെ വികാരിയായും സേവനമനുഷ്ഠിച്ചിട്ടുണ്ട്.

ശാസ്താംകോട്ടയില്‍ നടന്ന മലങ്കര അസോസിയേഷന്‍ സമ്മേളനത്തില്‍ വച്ച് 2010 ഫെബ്രുവരി 17 ന് മെത്രാപ്പോലീത്തയായി തിരഞ്ഞെടുക്കപ്പെട്ടു. 2010 മെയ് 12 ന് കോട്ടയം മാര്‍ ഏലിയ കത്തീഡ്രലിലാണ് മെത്രാപ്പോലീത്ത ആയി അഭിഷിക്തനായത്. അലക്‌സിയോസ് മാര്‍ യൗസേബിയോസ് മെത്രാപ്പോലീത്ത സ്ഥാനമൊഴിഞ്ഞതിനെത്തുടര്‍ന്നാണ് പുതിയ നിയമനം നടന്നത്.

ജോര്‍ജ് തുമ്പയില്‍

Ads by Google
Advertisement
Wednesday 13 Sep 2017 12.15 PM
YOU MAY BE INTERESTED
Ads by Google
Ads by Google
TRENDING NOW