Sunday, November 05, 2017 Last Updated 33 Min 27 Sec ago English Edition
Todays E paper
Ads by Google
Monday 11 Sep 2017 10.52 AM

ദിലീപിനെ മോചിപ്പിക്കാന്‍ നിങ്ങള്‍ കലാപവും നടത്തണം; ശ്രീനിവാസനും സെബാസ്റ്റ്യന്‍ പോളിനുമെതിരെ ആഷിക് അബു

uploads/news/2017/09/144925/aashiq.jpg

നടി ആക്രമിക്കപ്പെട്ട കേസില്‍ അറസ്റ്റിലായ ദിലീപിനെ അനുകൂലിച്ച് സംസാരിച്ചവര്‍ക്കെതിരെ രൂക്ഷ വിമര്‍ശനവുമായി സംവിധായകന്‍ ആഷിക് അബു. നടന്‍ ശ്രീനിവാസന്‍, മാധ്യമ പ്രവര്‍ത്തകന്‍ സെബാസ്റ്റിയന്‍ പോള്‍ എന്നിവരെ പേരെടുത്ത് വിമര്‍ശിച്ചാണ് ആഷിക് അബുവിന്റെ ഫെയ്‌സ്ബുക്ക് പോസ്റ്റ്. ശ്രീനിവാസനെയും സെബാസ്റ്റിയന്‍ പോളിനേയും പോലുള്ള നിരവധിപ്പേര്‍ വരും ദിവസങ്ങളിലും ദിലീപിനു വേണ്ടി സംസാരിച്ചു കൊണ്ടു വരും. അതുമാത്രം പോര ദിലീപിനെ രക്ഷിക്കാന്‍ ബാബയുടെ ടീം നടത്തിയതു പോലെ തെരുവില്‍ കലാപമെങ്കിലും നടത്തണമെന്നും ആഷിക് അബു പരിഹസിച്ചു. പക്ഷേ ഞങ്ങള്‍ അവള്‍ക്കൊപ്പം, അവള്‍ക്കൊപ്പം മാത്രമെന്നും ആഷിക് കുറിച്ചു.

ആഷികി​ന്റെ കുറിപ്പ്:
വ്യക്തിവൈരാഗ്യം തീർക്കാൻ ബലാൽക്കാരം നടത്തി അത് മൊബൈലിൽ പകർത്തി കൊണ്ടുവരാൻ കൊട്ടേഷൻ കൊടുത്തു എന്നതാണ് കേരളാ പോലീസ് ദിലീപ് എന്ന വ്യക്തിയിൽ ചാർത്തിയ കുറ്റം. ശ്രീനിയേട്ടൻ പറഞ്ഞതുപോലെതന്നെ അതിബുദ്ധിമാനായ ദിലീപ് ഇങ്ങനെയൊരു മണ്ടത്തരം കാണിക്കില്ല എന്നും, വേറെ വഴികൾ അയാൾ കണ്ടെത്തിയേനേ എന്നുമാണ് അറസ്റ്റിന് മുൻപ് ദിലീപിനെ അടുത്തറിയാവുന്ന ആളുകളുടെ(ഞാനടക്കം) ഉറച്ച വിശ്വാസം. പക്ഷെ പോലീസ് നടത്തിയ നീക്കം കഥയിലെ അണിയറ നാടകങ്ങളെ പൊളിച്ചെറിഞ്ഞു. ദിലീപിനെ പോലെ അതിബുദ്ധിമാനും ധനികനും ശക്തനുമായ ഒരാളെ അറസ്റ്റ് ചെയ്യാൻ പോലീസ് തീരുമാനിക്കുന്നു. വളരെ സെൻസിറ്റീവ് ആയ വിഷയത്തിൽ നീതിയുടെ ഭാഗത്തുനിൽക്കാൻ സർക്കാർ തീരുമാനിക്കുന്നു. കോടതികൾ പ്രഥമദൃഷ്ടിയിൽ കേസ് ഉണ്ടെന്ന് കണ്ടെത്തി ജാമ്യം നിഷേധിക്കുന്നു.
പോലീസിനെയും സർക്കാരിനേയും കോടതിയേയും ചോദ്യം ചെയ്യാൻ സ്വാതന്ത്ര്യമുള്ള നാടുതന്നെയാണ് നമ്മുടേത്, അതിൽ സംശയം വേണ്ട ശ്രീ സെബാസ്റ്യൻ പോൾ. നിങ്ങൾ നിഷാമിന് വേണ്ടിയും സംസാരിക്കണം. വകീൽ ആണെന്ന് മറക്കുന്നില്ല.
വരും ദിവസങ്ങളിൽ ശ്രീനിയേട്ടനെ പോലെ കുറെയധികം ആളുകൾ സംസാരിക്കും, കേരളം ചർച്ച ചെയ്യണം, ഇടപെടണം പറ്റുമെങ്കിൽ മറ്റേ ബാബയുടെ ടീം നടത്തിയ പോലെ അല്ലെങ്കിലും ഒരു ചെറിയ കലാപമെങ്കിലും വേണമെന്ന് പറയാൻ.
#അവൾക്കൊപ്പം
#അവൾക്കൊപ്പംമാത്രം

Ads by Google
Ads by Google
TRENDING NOW