Monday, February 26, 2018 Last Updated 4 Min 12 Sec ago English Edition
Todays E paper
Ads by Google
Saturday 09 Sep 2017 12.15 PM

180 കോടി രൂപ ലോട്ടറിയടിച്ചതോടെ ജീവിതം ദുരന്തമായി മാറിയ ഒരു മനുഷ്യന്‍

uploads/news/2017/09/144381/millionire.jpg

ലോട്ടറി അടിച്ചാല്‍ എല്ലാവരുടെയും ജീവിതം രക്ഷപ്പെടുകയാണ് ചെയ്യുന്നത്, എന്നാല്‍ മുക്താര്‍ മൊഹിദിന്‍ എന്നയാളുടെ അനുഭവം തിരിച്ചായിരുന്നു. ലോട്ടറി അടിച്ചതോടെ ജീവിതം കൈവിട്ടു പോയി അവസാനം ആരോരുമില്ലാതെയാണ് ഇദ്ദേഹം മരിച്ചത്. ബ്രിട്ടനിലെ ആദ്യ നാഷണല്‍ ലോട്ടറി ജേതാവായിരുന്നു മൊഹിദിന്‍.

1994 നവംബറില്‍ നടന്ന നറുക്കെടുപ്പില്‍ 17.9 ദശലക്ഷം പൗണ്ടിന്റെ സമ്മാനമാണ് മൊഹിദിന്‍ നേടിയത്. ഒരു രാസവള ഫാക്ടറിയിലെ സാധാരണ തൊഴിലാളിയായിരുന്ന മൊഹിദിന്‍ കോടീശ്വരനായി. ടെസ്‌കോയില്‍ നിന്നെടുത്ത ടിക്കറ്റിന് ഒന്നാം സമ്മാനം അടിച്ചതോടെ, ജീവിതം കീഴ്്മേല്‍ മറിഞ്ഞു. അന്നുവരെ കിട്ടുന്ന തുച്ഛമായ വരുമാനംകൊണ്ട് ഭാര്യ സയീദയ്ക്കും മൂന്ന് മക്കള്‍ക്കുമൊപ്പം സുഖമായി ജീവിച്ചിരുന്നു മൊഹിദിന്‍. ബ്ലാക്ക്ബേണിലെ വീട്ടില്‍ മതവിശ്വാസിയും അച്ചടക്കവുമുള്ള ഗൃഹനാഥനായിരുന്നു. എന്നാല്‍ ലോട്ടറിയടിച്ചതോടെ മൊഹിദീന് വലിയ മാറ്റവും സംഭവിച്ചു. മദ്യപാനിയും അക്രമിയും സ്ത്രീലമ്പടനുമായി അയാള്‍ മാറി.

1998-ല്‍ അയാളെ ഭാര്യ ഉപേക്ഷിച്ചു. തോക്കെടുത്ത് തന്നെ ഭീഷണിപ്പെടുത്തിയ ഭര്‍ത്താവില്‍ നിന്ന് അവര്‍ വിവാഹമോചനം തേടുകയായിരുന്നു. ലോട്ടറിയടിച്ച പണത്തിന്റെ പങ്ക് ഭാര്യ അവകാശപ്പെട്ടുവെങ്കിലും ഇതിനെതിരെ മൊഹീദീന്‍ കോടതിയെ സമീപിച്ചു. എന്നാല്‍ അഞ്ച് ദശലക്ഷം പൗണ്ട് നഷ്ടപരിഹാരവും വീടിന്റെ അവകാശവും സയീദക്ക് കോടതി അനുവദിച്ചു. വലിയ വേശ്യാലയങ്ങളില്‍ അയാള്‍ പോകാന്‍ തുടങ്ങി. മാറിമാറി പെണ്‍കുട്ടികള്‍ക്കൊപ്പം കഴിയുക ശീലമായി. തുടര്‍ന്ന് ഷാര്‍ലറ്റ് ഡോയ്ല്‍ എന്ന യുവതിയെ കൂടെ കൂട്ടി. ഈ ബന്ധത്തില്‍ മൊഹിദീന് ഒരു പെണ്‍കുട്ടി ജനിച്ചു. മരിക്കുമ്പോള്‍ മൊഹിദീന്റെയൊപ്പം ആരുമുണ്ടായിരുന്നില്ല. എന്നാല്‍ കിട്ടിയ പണം ഉപയോഗിച്ച് മക്കളെ നല്ല രീതിയില്‍ സയീദ വളര്‍ത്തി. അവരുടെ മൂത്തമകനിപ്പോള്‍ 30 വയസ്സായി. ഇപ്പോള്‍ അയാള്‍ മികച്ചൊരു ബിസിനസ്സുകാരനാണ്.

Ads by Google
Ads by Google
LATEST NEWS
TRENDING NOW