Tuesday, October 10, 2017 Last Updated 36 Min 7 Sec ago English Edition
Todays E paper
Ads by Google
Wednesday 26 Jul 2017 03.31 PM

അന്നും... ഇന്നും...

uploads/news/2017/07/130921/childartist260717a.jpg

വര്‍ഷങ്ങള്‍ക്ക് മുന്‍പ് സിനിമയില്‍ ബാലതാരങ്ങളായി മലയാളികളുടെ മനസ്സിലിടം നേടിയ ചിലര്‍ നീണ്ട ഇടവേളയ്ക്കു ശേഷം വെള്ളിത്തിരയില്‍ തിരികെയെത്തി. മറ്റു ചിലര്‍ തിരികെയെത്താനുള്ള യാത്രയിലും. അവരുടെ ജീവിത വഴികളിലൂടെ...

മിക്ക സിനിമകളിലും നായകനോളം തന്നെ പ്രാധാന്യമുള്ള ബാലതാരങ്ങളുണ്ടാകും. നായകന്റെ ബാല്യകാലത്തിനു ശേഷം പഠനത്തിനായി സിനിമയോടു യാത്ര പറഞ്ഞവരില്‍ ചിലര്‍ തിരികെയെത്തുന്നു.

സൂപ്പര്‍ താരങ്ങളുടെ കുട്ടികാലം അവതരിപ്പിച്ച അശ്വിന്‍ മേനോന്‍ വേഷങ്ങള്‍ക്കായി കാത്തിരിക്കുമ്പോള്‍ സ്ഫടികത്തിലൂടെ സൂപ്പര്‍ താരമായ രൂപേഷ് പീതാംബരന്‍ അഭിനയത്തിലേക്ക് തിരിച്ചെത്തി. ബാലതാരമായി പ്രേക്ഷക മനസ്സിലിടം നേടിയ ജോമോന്‍ ജോഷിയും സിനിമയില്‍ സജീവമായിട്ടുണ്ട്.

അശ്വിന്‍ മേനോന്‍

പാതി രാത്രി ഒരു മണിയറവാതിലില്‍ മുട്ടി വിളിച്ചപ്പോഴാണ് ഈ ചോദ്യം ആദ്യമായി കേള്‍ക്കുന്നത്. നീ ആരാണ്, നിനക്ക് എന്ത് വേണം. അപ്പോള്‍ ഞാന്‍ പറഞ്ഞു എനിക്ക് എന്റെ അമ്മയെ വേണമെന്ന.്് സൂപ്പര്‍ സ്റ്റാര്‍ മമ്മൂട്ടിയുടെ രാജമാണിക്യത്തിലെ ഈ രംഗമാണ് പ്രേക്ഷകര്‍ക്കിടയില്‍ അശ്വിനെ ഏറെ പ്രശസ്തനാക്കിയത്.

അന്ന് ആ രാത്രിയില്‍ മമ്മൂട്ടിയായി എത്തിയത് അശ്വിനായിരുന്നു. രാജമാണിക്യത്തിനു ശേഷം കുറേ സിനിമകള്‍ അഭിനയിച്ചെങ്കിലും ഇന്നും ജൂനിയര്‍ രാജമാണിക്യമായാണ് അശ്വിനെ എല്ലാവരും തിരിച്ചറിയുന്നത്.

വെള്ളിത്തിരയിലേക്ക്...


സംഗീതത്തിലൂടെയാണ് അശ്വിന്‍ കാണികളെ മയക്കിയിരുന്നത്. ആഘോഷങ്ങളിലെ അശ്വിന്റെ ഗാനാലാപനത്തിലൂടെ ആല്‍ബത്തിലേക്കും അവിടെ നിന്നും സിനിമയിലേക്കും അവസരങ്ങള്‍ തേടിയെത്തി.

ജയരാജ് സംവിധാനം നിര്‍വ്വഹിച്ച് 2004 ല്‍ പുറത്തിറങ്ങിയ റെയ്ന്‍ റെയ്ന്‍ കം എഗെയ്ന്‍ എന്ന ചിത്രത്തിലൂടെയാണ് തിരുവനന്തപുരം സ്വദേശി ഡോ.ആശിഷ് പരമേശ്വറിന്റെയും രജനിയുടെയും മൂത്ത മകന്‍ അശ്വിന്‍ ബിഗ് സ്‌ക്രീനില്‍ എത്തുന്നത്.

പിന്നീട് വേഷങ്ങളില്‍ നിന്നും വേഷങ്ങളിലേക്കുള്ള ജൈത്രയാത്രയായിരുന്നു അശ്വിന്റെ ജീവിതത്തില്‍. ആഭിനയിച്ച മിക്ക ചിത്രങ്ങളിലും മമ്മൂട്ടിയുടെയും മോഹന്‍ലാലിന്റെയും കുട്ടിക്കാലമാണ് അവതരിപ്പിച്ചത്.

തസ്‌കരവീരന്‍, പോക്കിരി രാജ, രാജമാണിക്യം, കമ്മത്ത് ആന്റ് കമ്മത്ത് തുടങ്ങിയ ചിത്രങ്ങളില്‍ മമ്മൂട്ടിയുടെ ചെറുപ്പകാലവും മാടമ്പി, മിസ്റ്റര്‍ ഫ്രോഡ് തുടങ്ങിയ സിനിമകളില്‍ മോഹന്‍ലാലായും അശ്വിന്‍ കൈയടി വാങ്ങിക്കൂട്ടി. ലയണ്‍ എന്ന ചിത്രത്തിലൂടെ ദിലീപിന്റെ കുട്ടിക്കാലം അവതരിപ്പിക്കുവാന്‍ അശ്വിന് അവസരം ലഭിച്ചു.

ഇടവേള


എറണാകുളം രാജഗിരി കോളജില്‍ കംപ്യൂട്ടര്‍ സയന്‍സ് വിദ്യാര്‍ത്ഥിയായിരിക്കുമ്പോഴാണ് അശ്വിന്‍ അവസാനമായി സിനിമയില്‍ മുഖം കാണിക്കുന്നത്. പഠനം പൂര്‍ത്തിയാകും മുന്‍പേ ചെന്നൈയില്‍ ജോലി ലഭിച്ചതോടെ അശ്വിന്‍ ജോലിത്തിരക്കുകളിലകപ്പെട്ടു.

ട്രെയ്നിംഗ് സമയത്തും ധാരാളം ഓഫറുകള്‍ വന്നെങ്കിലും ജോലിയെ ബാധിക്കുമെന്നതിനാല്‍ തല്‍ക്കാലം അവയെല്ലാം ഒഴിവാക്കി. 2014 മോഹന്‍ലാലിന്റെ മിസ്റ്റര്‍ ഫ്രോഡില്‍ അഭിനയിച്ച് മടങ്ങിയ അശ്വിന്‍ വേറിട്ട വേഷങ്ങള്‍ക്കായി കാത്തിരിക്കുകയാണ്. മലയാളത്തില്‍ നിന്നു തന്നെ ചില പ്രോജക്ടുകള്‍ വന്നെങ്കിലും തീരുമാനമായിട്ടില്ല.

Advertisement
Ads by Google
Ads by Google
TRENDING NOW