Sunday, February 25, 2018 Last Updated 23 Min 14 Sec ago English Edition
Todays E paper
Ads by Google
Monday 17 Jul 2017 01.46 PM

യാത്രക്കാരെ ഒന്നടങ്കം പരിഭ്രാന്തിയിലാഴ്ത്തി വിമാനത്തിന്റെ ലാന്‍ഡിങ്ങ്

uploads/news/2017/07/128404/air.jpg

കാനറി ദ്വീപിലെ ഫ്യൂര്‍ട്ടെവെഞ്ചുറയില്‍ നിന്നു വന്ന ബോയിങ് വിമാനത്തിന്റെ ലാന്‍ഡിങ്ങ് യാത്രക്കാരെ ഒന്നടങ്കം പരിഭ്രാന്തിയിലാഴ്ത്തിക്കൊണ്ടായിരുന്നു നടന്നത്. വിമാനം റണ്‍വേയോട് അടുത്തപ്പോള്‍ പെട്ടെന്ന് നിലത്തേക്കിരിക്കുകയായിരുന്നു. ലാന്‍ഡിങ് ഗിയറിലുണ്ടായ തടസ്സമാണ് ഇതിന് കാരണമെന്നായിരുന്നു പിന്നീട് വന്ന പ്രചരണം. യാത്രക്കാര്‍ സീറ്റില്‍ നിന്ന് മുന്നോട്ട് തെറിക്കുകയും ലഗേജുകള്‍ നിലംപൊത്തുകയും ചെയ്തു. വിമാനം അപകടത്തില്‍പ്പെട്ടുവെന്ന് കരുതിയ യാത്രക്കാര്‍ അലമുറയിട്ടു. എന്നാല്‍, അവസാന നിമിഷം നിയന്ത്രണം തിരിച്ചു പിടിച്ച പൈലറ്റ് അപകടമൊഴിവാക്കി.


ബ്രിട്ടനിലെ ഏറ്റവും ഉയരംകൂടിയ വിമാനത്താവളമാണ് ലീഡ്സിലേത്. കാറ്റ് ഇവിടെ പലപ്പോഴും വിമാനങ്ങളെ ബാധിക്കാറുണ്ട്. പലപ്പോഴും കാറ്റിനെത്തുടര്‍ന്ന് ലാന്‍ഡിങ് ഒഴിവാക്കേണ്ടിയും വന്നിട്ടുണ്ട്. കനത്തകാറ്റാണ് വിമാനത്തിന്റെ ലാന്‍ഡിങ് ദുഷ്‌കരമാക്കിയതെന്ന് റ്യാനെയര്‍ വക്താവ് പറഞ്ഞു. ലാന്‍ഡിങ് ഗിയറിന് കുഴപ്പമുണ്ടായിരുന്നില്ലെന്നും യാത്രക്കാരൊക്കെ സുരക്ഷിതരായി പുറത്തിറങ്ങിയെന്നും വക്താവ് അഭിപ്രായപ്പെട്ടു. അതേസമയം ലാന്‍ഡിങ് ഗിയര്‍ തകരാറിലായിരുന്നുവെന്ന പ്രചാരണം അടിസ്ഥാനരഹിതമാണെന്നും അദ്ദേഹം പറഞ്ഞു.

Ads by Google
Ads by Google
LATEST NEWS
TRENDING NOW