സൗദി അറേബ്യയില്‍ സിഗ്​നൽ ലംഘിച്ച് പാഞ്ഞ സ്വദേശിയുടെ വാഹനമിടിച്ച് മലയാളി യുവാവ് മരിച്ചു

റിയാദ്: സൗദി അറേബ്യയില്‍ സിഗ്​നൽ ലംഘിച്ച് പാഞ്ഞ സ്വദേശിയുടെ വാഹനമിടിച്ച് മലയാളി യുവാവ് മരിച്ചു. മലപ്പുറം കുട്ടിലങ്ങാടി പടിഞ്ഞാറ്റുമുറിയിൽ സ്വദേശി അബ്​ദുല്ലയുടെ മകൻ സുബൈറാണ് (44) മരിച്ചത്. ബുറൈദ സുൽത്താനയിൽ ശനിയാഴ്ചയായിരുന്നു അപകടം. ജോലി സ്​ഥലത്തിന് എതിർവശമുള്ള സുപ്പർ മാർക്കറ്റിൽ നിന്നും സാധനങ്ങൾ വാങ്ങി റോഡ് മുറിച്ച് കടക്കുതിനിടെയാണ് അപകടം.

ഇടിയേറ്റ് തെറിച്ചുവിണ സുബൈർ തൽക്ഷണം മരിച്ചു. ബുഫിയ ജീവനക്കാരനായിരന്നു. 20 വർഷമായി ബുറൈദയിലുണ്ട്. പെരുന്നാൾ പിറ്റേന്നാണ് നാട്ടിൽനിന്ന് അവധികഴിഞ്ഞെത്തിയത്.

വീടി​െൻറ പണി തുടങ്ങിയതിനാൽ ഇവിടെ ഒപ്പം കഴിഞ്ഞിരുന്ന കുടുംബത്തെ നാട്ടിൽ നിർത്തിയശേഷമാണ് മടങ്ങിയത്. ഭാര്യ: സുമയ്യ. മക്കൾ: ശിബാന, റിഫ, ഷാദി. മാതാവ്: ഹാജറുമ്മ. സഹോദരങ്ങളായ ഷൗക്കത്ത്, ഷറഫുദ്ദീൻ, മുസ്​തഫ, ഫത്താഫ്, ഹുദൈഫ്​ എന്നിവർ ബുറൈദയിലുണ്ട്. സെൻട്രൾ ആശുപത്രി മോർച്ചറിയിൽ സുക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിൽ കൊണ്ടുപോകും.

ചെറിയാൻ കിടങ്ങന്നൂർ.