Sunday, November 05, 2017 Last Updated 45 Min 33 Sec ago English Edition
Todays E paper
Ads by Google
Friday 30 Jun 2017 04.14 PM

കുടവയര്‍ കുറയ്ക്കാന്‍ ലഘുയോഗാസനങ്ങള്‍

ശരീരസൗന്ദര്യത്തിനും മനഃശാന്തിക്കും രോഗമുക്തിക്കും യോഗയെ ആശ്രയിക്കുന്നൊരു തലമുറയാണ് ഇന്നത്തേത്. മെഡിറ്റേഷന്‍ എന്നതിലുപരി യോഗയെ ഒരു ദിനചര്യയാക്കി മാറ്റാം. അഭിനേത്രിയും ഫിറ്റ്‌നെസ് എക്‌സ്‌പേര്‍ട്ടും ഹോമിയോപ്പതി ഡോക്ടറുമായ ഡോ.ദിവ്യ,
uploads/news/2017/06/123199/FitnessPlus300617.jpg

ഇത്തവണ ലഘുയോഗാസനങ്ങള്‍ ഏതൊക്കെയെന്നും അവ അനുഷ്ഠിക്കേണ്ടതെങ്ങനെയെന്നുമാണ്. ശരീരത്തിന് വളരെ ഫലപ്രദമായ, മൂന്ന് പ്രധാന ആസനങ്ങളെയാണ് പരിചയപ്പെടുത്തുന്നത്.

അര്‍ദ്ധമേരുദണ്ഡാസനം, മേരുദണ്ഡാസനം, വിപരീത മേരുദണ്ഡാസനം. പലവിധ രോഗങ്ങളില്‍ നിന്നും മുക്തി നേടാന്‍ ഈ ആസനം പരിശീലിക്കുന്നതിലൂടെ സാധിക്കും.

1. അര്‍ദ്ധമേരുദണ്ഡാസനം


മലര്‍ന്ന് കിടന്ന് ചെയ്യേണ്ട ആസനമാണ് അര്‍ദ്ധമേരുദണ്ഡാസനം. മലര്‍ന്ന് കിടക്കാന്‍ സാധിക്കുന്ന വിധത്തിലുള്ള ഒരു കോട്ടണ്‍ ഷീറ്റ് വിരിച്ച് കിഴക്കോ, വടക്കോ ആയി കാലുകള്‍ ചേര്‍ത്തുവച്ച് നീണ്ടു നിവര്‍ന്ന് മലര്‍ന്ന് കിടക്കുക.

ശേഷം കൈകള്‍ നിവര്‍ത്തി ഇരുവശത്തും കമഴ്ത്തി പതിച്ചു വയ്ക്കുക. ശ്വാസം പൂര്‍ണ്ണമായും പുറത്തേക്ക് വിടുക. പിന്നീട് ശ്വാസം എടുത്തുകൊണ്ട് വലതുകാല്‍ മുട്ടുവളയാതെ തറയില്‍ നിന്ന് രണ്ടടി ഉയര്‍ത്തുക.

ഏകദേശം 45 ഡിഗ്രി വരെ വരാം. വിരലുകള്‍ പരമാവധി മുന്നിലേക്ക് നീട്ടി വയ്ക്കുക. കാലുകള്‍ക്ക് ബലം കൊടുത്തുവേണം ഉയര്‍ത്താന്‍. രണ്ടു കാലുകളും ഇതേരീതിയില്‍ ഉയര്‍ത്തുകയും താഴ്ത്തുകയും ചെയ്യുക.

ഗുണങ്ങള്‍


നട്ടെല്ലിന് ബലം വരുന്നതിനൊപ്പം നടുവേദന, കാല്‍കഴപ്പ് എന്നീ രോഗങ്ങള്‍ക്ക് അര്‍ദ്ധമേരുദണ്ഡാസനം ഉചിതമാണ്. വയറു കുറയാനും ഇത് ഫലപ്രദമാണ്.

2. മേരുദണ്ഡാസനം


അര്‍ദ്ധമേരുദണ്ഡാസനത്തില്‍ ഒരു കാല്‍ ഉയര്‍ത്തുമ്പോള്‍, ഇരുകാലുകളും ഉയര്‍ത്തുന്ന രീതിയാണ് മേരുദണ്ഡാസനം. കുടവയര്‍ കുറയാന്‍ സഹായകമായ ആസനമാണ് മേരുദണ്ഡാസനം. മെയ്വഴക്കം ലഭിക്കാനും ഈ ആസനം ഗുണകരമാണ്.

ഒരു കോട്ടണ്‍ ബെഡ്ഷീറ്റ് വിരിച്ച് കിഴക്കോട്ടോ വടക്കോട്ടോ ആയി നീണ്ടു നിവര്‍ന്ന് മലര്‍ന്ന് കിടക്കുക. കൈപ്പത്തികള്‍ ശരീരത്തിന്റെ ഇരുവശത്തും കമഴ്ത്തി അമര്‍ത്തി വയ്ക്കുക. ഇതേസമയം കാലുകള്‍ ചേര്‍ന്നിരിക്കണം. ഇനി ശ്വാസം പൂര്‍ണ്ണമായി പുറത്തേക്ക് വിടുക.

ഈ സമയം ശ്വാസം പതിയെ ഉള്ളിലേക്കെടുക്കുക. ശ്വാസം ഉള്ളിലേക്കെടുക്കുന്നതിനനുസരിച്ച് കാലുകള്‍ തറയില്‍ നിന്ന് പതിയെ ഉയര്‍ത്തുക. ഏകദേശം രണ്ടടി അല്ലെങ്കില്‍ 45 ഡിഗ്രിയിലാണ് ഉയര്‍ത്തേണ്ടത്. കാലുകള്‍ക്ക് നന്നായി ബലം കൊടുത്ത് വേണം ഉയര്‍ത്തേണ്ടത്.

ഏതാണ്ട് അഞ്ച് സെക്കന്റ് ഈ നിലയില്‍ തുടരുക. ശേഷം പതിയെ ശ്വാസം വിടുക. ശ്വാസം വിടുന്നതിനൊപ്പം കാലുകള്‍ താഴ്ത്തുക. അഞ്ച് സെക്കന്റിന് ശേഷം വീണ്ടും ഈ ആസനം ചെയ്യുക. 10 തവണ ഈ ആസനം ചെയ്യണം. അതിന് ശേഷം ശവാസനത്തില്‍ വിശ്രമിക്കാം.

മേരുദണ്ഡാസനം ചെയ്യാന്‍ ബുദ്ധിമുട്ട് നേരിടുന്നവര്‍ ആദ്യം അര്‍ദ്ധമേരുദണ്ഡാസനം ചെയ്ത് പരിശീലിച്ച ശേഷം മേരുദണ്ഡാസനം ശീലിക്കുക.

3. വിപരീതമേരുദണ്ഡാസനം


ഏതൊരാസനവും ചെയ്ത ശേഷം അവയുടെ വിപരീതാസനം പരിശീലിക്കുന്നത് ഉത്തമമാണ്. മേരുദണ്ഡാസനത്തിന്റെ വിപരീതാസനമാണ് വിപരീതമേരുദണ്ഡാസനം. ഒരു കോട്ടണ്‍ ബെഡ്ഷീറ്റ് വിരിച്ച് നീണ്ടുനിവര്‍ന്ന് കിടക്കുക.

ശേഷം കൈകള്‍ തലയ്ക്ക് പിറകിലായി ഇടത് കൈ വലതിലും വലതുകൈ ഇടതിലുമായി പിടിക്കുക. ശ്വാസം ഉള്ളിലേക്ക് വലിക്കുക. ശ്വാസം വിട്ടുകൊണ്ട് സാവധാനം അരക്കെട്ടിന് മുകളിലുള്ള ഭാഗങ്ങള്‍ ഉയര്‍ത്തുക.

ഇപ്പോള്‍ ശ്വാസം പൂര്‍ണ്ണമായും പുറത്താണ്. ഇനി ശ്വാസം വലിച്ചുകൊണ്ട് ദേഹം പിന്നിലേക്ക് താഴ്ത്തുക. വീണ്ടും ശ്വാസം വിട്ടുകൊണ്ട് ഉയരുക. ഇങ്ങനെ ആവര്‍ത്തിക്കുക. കുടവയര്‍ കുറയാന്‍ സഹായകമായ ആസനമാണ് വിപരീതമേരുദണ്ഡാസനം. മെയ്വഴക്കം ലഭിക്കാനും ഈ ആസനം ഗുണകരമാണ്.

uploads/news/2017/06/123199/FitnessPlus300617a.jpg

യോഗാസനം തുടങ്ങും മുന്‍പ്

1. ആസനങ്ങള്‍ അനുഷ്ഠിക്കുമ്പോള്‍ ശരീരം തറയില്‍ തട്ടാതിരിക്കത്തക്ക വലിപ്പത്തിലുള്ള ഷീറ്റ് ഉപയോഗിക്കണം.

2. വടക്കോട്ടോ കിഴക്കോട്ടോ തിരിഞ്ഞാണ് യോഗ അനുഷ്ഠിക്കേണ്ടത്.

3. പ്രഭാതകൃത്യങ്ങള്‍ക്ക് ശേഷം വേണം യോഗ ആരംഭിക്കാന്‍.

4. സന്ധികള്‍ക്ക് വഴക്കം കിട്ടാവുന്ന ചെറിയ വ്യായാമങ്ങള്‍ക്ക് ശേഷം യോഗാസനം തുടങ്ങുന്നതാണ് നല്ലത്.

5. യോഗാസനത്തില്‍ ശ്വസനത്തിന് പ്രാധാന്യമുള്ളതുകൊണ്ട് ശ്വസനരീതി പറഞ്ഞതുപോലെ ശീലിക്കുക.

6. ശരീരത്തിന് എന്തെങ്കിലും ബുദ്ധിമുട്ട് തോന്നിയാല്‍ ചെയ്യുന്ന ആസനം അപ്പോള്‍ അവസാനിപ്പിക്കണം. അടുത്ത ദിവസം ചെയ്താല്‍ മതിയാകും.

7. ഒരു ആസനത്തില്‍ പറഞ്ഞതുപോലെ വളയാനോ മറ്റോ സാധിച്ചില്ലെങ്കില്‍ പറ്റുന്നത്ര മാത്രം വളയുക.

8. ഓരോ ആസനങ്ങള്‍ക്കിടയിലും വിശ്രമം ആവശ്യമാണ്.

9. കിടന്നുള്ള ആസനങ്ങളാണെങ്കില്‍ ശവാസനത്തില്‍ വിശ്രമിക്കണം.

ഡോ.ദിവ്യ
ഡോ.ദിവ്യാസ് ഹോമിയോപ്പതിക് സ്‌പെഷ്യാലിറ്റി
ക്ലിനക്, ഐ.സി.സി.ഐ.ബാങ്ക്
റ്റി.റ്റി.സി.ജംഗ്ഷന്‍, കവടിയാര്‍, തിരുവനന്തപുരം

Ads by Google
Ads by Google
TRENDING NOW