Tuesday, October 03, 2017 Last Updated 1 Min 30 Sec ago English Edition
Todays E paper
Ads by Google
Monday 26 Jun 2017 09.53 AM

റമ്‌സാന് പരമ്പരാഗത വിഭവങ്ങള്‍

uploads/news/2017/06/121980/mdmjuneII.jpg

റമ്‌സാന്‍ കാലമെത്തി. നാവില്‍ കൊതിയുണര്‍ത്തുന്ന വിഭവങ്ങള്‍ തയാറാക്കി വിരുന്നൊരുക്കാം. പരമ്പരാഗത വിഭവങ്ങള്‍ക്കു പുറമേ പുതുരുചികളും പരീക്ഷിച്ചുനോക്കൂ...

മജ്ബൂസ്


ആവശ്യമുള്ള സാധനങ്ങള്‍
ബസുമതി അരി - 1/2 കിലോ
ചിക്കന്‍ - 1 കിലോ (ചെറിയ കഷണങ്ങളായി മുറിച്ചത്)
മുളകുപൊടി - 2 ടീസ്പൂണ്‍
ചിക്കന്‍ സ്റ്റോക്ക്/വെള്ളം - 1 ലിറ്റര്‍
കറുകയില - 2എണ്ണം
നെയ്യ് - 100ഗ്രാം
നാരങ്ങ ഉണക്കിയത് - 1 എണ്ണം
പെരുംജീരകം - 1/2ടീസ്പൂണ്‍
ഉണക്കമുന്തിരി - 50 ഗ്രാം
അണ്ടിപ്പരിപ്പ് - 50 ഗ്രാം
ഗ്രാമ്പു - 4എണ്ണം
ഏലയ്ക്ക - 4എണ്ണം
കറുവാപ്പട്ട - 1 കഷണം
ഉപ്പ് - പാകത്തിന്

തയാറാക്കുന്ന വിധം


അരി കുതിര്‍ത്ത് വെള്ളം വാലാന്‍ വയ്ക്കുക.
ചിക്കനില്‍ മുളകുപൊടിയും ഉപ്പും പുരട്ടി അര മണിക്കൂര്‍ വച്ചശേഷം എണ്ണ ചൂടാക്കി ചിക്കന്‍ പകുതി വേവിച്ചെടുക്കുക.
കുക്കറില്‍ നെയ്യൊഴിച്ച് കറുവയില, ഉണങ്ങിയ നാരങ്ങ, പെരുംജീരകം, ഉണക്കമുന്തിരി, അണ്ടിപ്പരിപ്പ്, ഗ്രാമ്പു, ഏലയ്ക്ക, കറുവാപ്പട്ട എന്നിവ ചേര്‍ത്ത് മൂപ്പിച്ച് അരി ചേര്‍ത്ത് വഴറ്റുക. ചിക്കന്‍സ്‌റ്റോക്കും പാകത്തിന് ഉപ്പും ചിക്കനും ചേര്‍ത്ത് ചേര്‍ത്ത് കുക്കര്‍ അടച്ച് ഒരു വിസില്‍ വരുമ്പോള്‍ ഇറക്കിവയ്ക്കുക. ആവി പോയ ശേഷം കുക്കര്‍ തുറന്ന് വിളമ്പാം.

മാംഗളൂരിയന്‍ ചിക്കന്‍


ആവശ്യമുള്ള സാധനങ്ങള്‍
ചിക്കന്‍ കഷണങ്ങള്‍ - 1 കിലോ (വലിയ കഷണങ്ങളായി മുറിച്ചത് )
ചിക്കനില്‍ പുരട്ടാന്‍;-
കട്ടത്തൈര് - 1 കപ്പ്
വെളള കുരുമുളകുപൊടി - 2 ടീസ്പൂണ്‍
മഞ്ഞള്‍പ്പൊടി - 1 ടീസ്പൂണ്‍
നാരങ്ങാനീര് - 3 ടീസ്പൂണ്‍
ഉപ്പ് - പാകത്തിന്
മസാലപേസ്റ്റിന് ;-
കാശ്മീരി മുളക് - 6 എണ്ണം
ഉണക്കമുളക് - 6 എണ്ണം
ഉണക്കമല്ലി - 1/2 ടീസ്പൂണ്‍
ഉലുവാപ്പൊടി - 1/2 ടീസ്പൂണ്‍
ജീരകപ്പൊടി - 1 1/2 ടീസ്പൂണ്‍
പെരുംജീരകം പൊടിച്ചത് - 1 1/2 ടീസ്പൂണ്‍
വെളുത്തുള്ളി - 1 വലിയ തുടം(തൊലി കളഞ്ഞ് നീളത്തില്‍ രണ്ടായി മുറിച്ചത് )
എണ്ണ - വറുക്കാന്‍ ആവശ്യത്തിന്
നെയ്യ് - ആവശ്യത്തിന്

തയാറാക്കുന്ന വിധം


ഒരു വലിയ ബൗളില്‍ ചിക്കനില്‍ പുരട്ടാനുള്ള കൂട്ടുകളെടുത്ത് കൈകൊണ്ട് യോജിപ്പിക്കുക. കഴുകി വച്ചിരിക്കുന്ന ചിക്കന്‍ കഷണങ്ങള്‍ ഇതിലിട്ട് പുരട്ടിയെടുത്ത് രണ്ട് ്മണിക്കൂര്‍ ഫ്രിഡ്ജില്‍ വയ്ക്കുക. (അരപ്പ് നന്നായി പിടിക്കാനാണിത്)ഒരു പാനില്‍ രണ്ട് ടീസ്പൂണ്‍ നെയ്യ് ഒഴിച്ച് ചൂടാകുമ്പോള്‍ വെളുത്തുളളി ചേര്‍ക്കുക. മുളക്, മല്ലി, പെരുംജീരകം, ജീരകം, കായപ്പൊടി ഇവചേര്‍ത്ത് ചെറുതായി മൂക്കുന്നതുവരെ വഴറ്റുക. ശേഷം അല്‍പ്പം വെള്ളം ചേര്‍ത്ത് പേസ്റ്റുപോലെ അരച്ചെടുക്കുക.ഒരു പാന്‍ അടുപ്പില്‍ വച്ച് ചൂടാക്കി രണ്ട് ടീസ്പൂണ്‍ നെയ്യും മൂന്ന് ടീസ്പൂണ്‍ എണ്ണയും ഒഴിച്ച് ചൂടാകുമ്പോള്‍ (ആവശ്യമെങ്കില്‍ കുറച്ചുകൂടി എണ്ണ ചേര്‍ക്കാം). ചിക്കന്‍ കഷണങ്ങള്‍ എല്ലാം ഒന്നിച്ചിട്ട് രണ്ട് വശവും ബ്രൗണ്‍ നിറമാകുന്നതുവരെ മൊരിച്ചെടുക്കുക. ശേഷം ഒരു കപ്പ് വെള്ളം ഇതിലേക്കൊഴിച്ച് പാന്‍ മൂടി കുറഞ്ഞതീയില്‍ മൂക്കാല്‍ ഭാഗം വെള്ളം വറ്റുന്നതുവരെ വേവിക്കുക. ശേഷം തയാറാക്കി വച്ചിരിക്കുന്ന മസാല പേസ്റ്റ് ചേര്‍ക്കുക. വെള്ളം വറ്റി അരപ്പ് നന്നായി പിടിച്ച് റോസ്റ്റഡ് പരുവത്തിലാകുമ്പോള്‍ അരക്കപ്പ് വെള്ളം കൂടി ചേര്‍ക്കുക. പാന്‍ അടച്ച് കുറഞ്ഞ തീയില്‍ വരട്ടിയെടുക്കുക. ആവശ്യമെങ്കില്‍ അല്‍പ്പം ഉപ്പുംകൂടി ചേര്‍ക്കാം. ചിക്കന്‍ തയാറായി കഴിയുമ്പോള്‍ അതിലേക്ക് നാരങ്ങാനീര് പിഴിഞ്ഞൊഴിച്ച് ബിരിയാണി ചോറിനൊപ്പം വിളമ്പാം.
Advertisement
Ads by Google
Ads by Google
TRENDING NOW