Tuesday, June 19, 2018 Last Updated 11 Min 17 Sec ago English Edition
Todays E paper
Ads by Google
Thursday 15 Jun 2017 04.54 PM

നരകയാതനകള്‍ക്കൊടുവില്‍ കോമയിലായി, ഉണരാതിരിക്കാന്‍ ഉറക്കഗുളികകള്‍ നല്‍കിക്കൊണ്ടിരുന്നു: നാസി ഭീകരതയെ വെല്ലും ഉത്തരകൊറിയയുടെ ക്രൂരത

North korea, us student, Coma

വാഷിങ്ടണ്‍: ഏകാധിപതി കിം ജോങ് ഉന്നിന്റെ ഉത്തരകൊറിയയിലെ തടവില്‍ നിന്ന് പുറത്തെത്തിയ യുഎസ് വിദ്യാര്‍ത്ഥിയുടെ നരകയാതനകള്‍ കേട്ട് ലോകം ഞെട്ടി. ഉള്ളുരുക്കുന്ന കഥകള്‍ വിദ്യാര്‍ത്ഥിയുടെ വീട്ടുകാരാണ് വെളിപ്പെടുത്തിയത്.

ഉത്തരകൊറിയ വിട്ടയച്ചതിനെ തുടര്‍ന്ന് വിമാനമാര്‍ഗമാണ് യുഎസ് വിദ്യാര്‍ത്ഥി ഒട്ടോ ഫെഡ്രറികിനെ എത്തിച്ചത്. വിദ്യാര്‍ത്ഥിയുടെ കുടുംബമാണ് ഞെട്ടിക്കുന്ന ക്രുരതകള്‍ പുറത്തുവിട്ടത്. 17 മാസങ്ങള്‍ക്കു ശേഷമാണ് തടവില്‍ നിന്ന് വിട്ടയച്ചത.

നരകയാതനയെ തുടര്‍ന്ന് സ്വബോധം സ്വബോധം നഷ്ടപ്പെട്ട വാമ്പിയര്‍ ഒരു വര്‍ഷത്തോളമായി കോമയിലായിരുന്നു. പിന്നാലെ തളര്‍ന്നുപോയ ഇയാള്‍ക്ക് പതിവായി ഉറക്ക ഗുളിക നല്‍കിക്കൊണ്ടേയിരുന്നു.

ഉത്തരകൊറിയയിലെ ശിക്ഷാകാലം അതികഠിനമായിരുന്നുവെന്നും മകന്റെ ആരോഗ്യസ്ഥിതി തീര്‍ത്തും മോശമാണെന്നും കുടുംബം വ്യക്തമാക്കി. വിമാനത്തില്‍ നിന്ന് ആംബുലന്‍സില്‍ കയറ്റിയാണ് ആശുപത്രിയിലേയ്ക്ക് വിദ്യാര്‍ത്ഥിയെ മാറ്റിയത്.

വെര്‍ജീനിയ യൂണിവേഴ്‌സിറ്റിയില്‍ വിദ്യാര്‍ത്ഥിയായ ഒട്ടോ വാമ്പിയര്‍ പുതുവതസാരാഘോഷത്തിനായി ടൂറിസ്റ്റുകള്‍ക്കൊപ്പം ഉത്തരകൊറിയയില്‍ എത്തിയപ്പോഴാണ് കേസിനാസ്പദമായ സംഭവം ഉണ്ടായത്. ഹോട്ടലില്‍ പ്രദര്‍ശിപ്പിച്ചിരുന്ന ബാനര്‍ മോഷ്ടിച്ചുവെന്ന കുറ്റം ആരോപിച്ചായിരുന്നു അറസ്റ്റ്. കുറ്റം വാമ്പിയര്‍ സമ്മതിച്ചിരുന്നു. രാഷ്ട്രീയ മുദ്രാവാക്യം രേഖപ്പെടുത്തിയ ബാനര്‍ താന്‍ എടുത്തു മാറ്റിയെന്നും മൊഴി നല്‍കിയിരുന്നു. 15 വര്‍ഷത്തേയ്ക്കാണ് ശിക്ഷ വിധിച്ചത്.

നിസാര കുറ്റത്തിനു കഠിന ശിക്ഷ ആഗോള തലത്തില്‍ വന്‍ വിവാദമായിരുന്നു. അമേരിക്കയുടെ സമ്മര്‍ദ്ദത്തെ തുടര്‍ന്നാണ് വിദ്യാര്‍ത്ഥിയുടെ ശിക്ഷ ഇളവു ചെയ്തതെന്നാണ് സൂചനകള്‍.

Ads by Google
Thursday 15 Jun 2017 04.54 PM
YOU MAY BE INTERESTED
Ads by Google
Loading...
LATEST NEWS
TRENDING NOW