Saturday, December 16, 2017 Last Updated 10 Min 0 Sec ago English Edition
Todays E paper
Ads by Google
Wednesday 14 Jun 2017 03.54 PM

രക്ഷാധികാരിയുടെ കൈയൊപ്പ്

uploads/news/2017/06/118281/renjanpromodINWb.jpg

രക്ഷാധികാരി ബൈജു ഒപ്പ് എന്ന ചിത്രത്തിന്റെ സംവിധായകന്‍ രഞ്ജന്‍ പ്രമോദ് ചിത്രത്തിന്റെ വിജയത്തെക്കുറിച്ചും പിന്നിട്ട വഴികളെക്കുറിച്ചും.

പ്രേക്ഷകഹൃദയങ്ങളിലേക്ക്്ജീവിതഗന്ധിയായി സിനിമകള്‍ എത്തുമ്പോഴാണ് മികച്ച സംവിധായകര്‍ ജനിക്കുന്നത്. ജീവിതത്തെ അടുത്തറിഞ്ഞ് സാധാരണക്കാരിലേക്കിറങ്ങിച്ചെല്ലുമ്പോഴാണ് മികച്ച തിരക്കഥകളുണ്ടാവുന്നത്. അത്തരത്തില്‍ ഒരു സംവിധായകനാണ് രഞ്ജന്‍ പ്രമോദ്.

മാറിയ സിനിമാസങ്കല്‍പ്പങ്ങള്‍ക്കൊപ്പം തൂലിക ചലിപ്പിച്ച് മികച്ച തിരക്കഥാകൃത്തെന്ന പേര് നേടിയ രഞ്ജന്‍ ചെറിയൊരു ഇടവേളയ്ക്ക് ശേഷം സജീവമാവുകയാണ്. തിരക്കഥാകൃത്തായും സംവിധായകനായും മലയാളി മനസ്സില്‍ ചേക്കേറിയ രഞ്ജന്‍ പ്രമോദിന്റെ വിശേഷങ്ങളിലേക്ക്...

രക്ഷാധികാരി ബൈജു ഒപ്പ്. വ്യത്യസ്തമായൊരു പേരാണല്ലോ ?


ചിത്രത്തിന് അനുയോജ്യമായ പേരാണിത്. ചിത്രം കാണുന്നവര്‍ക്കതിനോട് കൂടുതല്‍ അടുപ്പം തോന്നും. തിരക്കഥ തയ്യാറാക്കിയപ്പോള്‍ മുതല്‍ ഒപ്പമുണ്ടായിരുന്ന പേരാണ് രക്ഷാധികാരി ബൈജു ഒപ്പ്. നമ്മുടെ ഉള്ളില്‍ തന്നെയോ അല്ലെങ്കില്‍ ചുറ്റുവട്ടത്തോ ഒരു ബൈജു ഉണ്ട്. നാട്ടിലെ ചെറിയ കൂട്ടായ്മയിലും ഇതുപോലൊരു രക്ഷാധികാരിയുമുണ്ട്.

ചിത്രത്തില്‍ നൊസ്റ്റാള്‍ജിയ നന്നായി വര്‍ക്കൗട്ടായിട്ടുണ്ടല്ലേ ?


നൊസ്റ്റാള്‍ജിയ എനിക്കൊരു വിഷയമായിരുന്നില്ല. നമുക്ക് നഷ്ടമായിക്കൊണ്ടിരിക്കുന്ന കൊച്ചു കൂട്ടായ്മകളും ദൈനന്തിന രസങ്ങളും ആഹ്ലാദങ്ങളുമെല്ലാം കാണിക്കുകയായിരുന്നു രക്ഷാധികാരിയുടെ ഉദ്ദേശം. ജീവിതത്തില്‍ നഷ്ടമാവാതെ കരുതി വയ്‌ക്കേണ്ട ചില നന്മകളുണ്ടെന്ന് ഓര്‍മ്മപ്പെടുത്താനാണ് ചിത്രം ശ്രമിക്കുന്നത്.

തിരിച്ചുവരാത്ത കുട്ടിക്കാലത്തിന്റെ ഓര്‍മ്മകള്‍ക്കൊരു ബാഷ്പ്പാഞ്ചലിയാണ് ഈ ചിത്രം. രക്ഷാധികാരിയിലൂടെ പറയാന്‍ ശ്രമിച്ച വിഷയം പുതിയ തലമുറയിലെ കുട്ടികള്‍ക്ക് വളരെയധികം ഇഷ്ടപ്പെടും.

ചിത്രത്തില്‍ സിങ്ക് സൗണ്ടാണ് ഉപയോഗിച്ചിരിക്കുന്നതെന്നറിഞ്ഞു. എന്താണ് ഈ ശബ്ദപഥത്തിന്റെ വ്യത്യസ്തത?


ലൊക്കേഷനിലെ ഷൂട്ടിംഗിനിടയില്‍ പറയുന്ന സംഭാഷണങ്ങള്‍ സ്റ്റുഡിയോയില്‍ വച്ച് ഡബ്ബ് ചെയ്ത് സിനിമയിലെത്തിക്കുന്ന രീതിയാണ് മലയാള സിനിമയില്‍ തുടര്‍ന്നിരുന്ന പതിവ്.

എന്നാല്‍ കൂടുതല്‍ സാങ്കേതിക വിദ്യകളുടെ സഹായത്തോടെ എറെ ചെലവും ഒരുക്കങ്ങളും നടത്തി ലൊക്കേഷനില്‍ പറയുന്ന അതേ ശബ്ദം തന്നെ സിനിമയില്‍ ചേര്‍ക്കുന്ന രീതിയാണ് രക്ഷാധികാരി ബൈജുവില്‍ ഉപയോഗിച്ചിരിക്കുന്നത്. ഇതിനെയാണ് സിങ്ക് സൗണ്ട് (തത്സമയാലേഖനം)എന്ന് പറയുന്നത്.

ബാഹുബലി രക്ഷാധികാരിയുടെ വിജയത്തെ ബാധിക്കുമെന്ന് ഭയപ്പെട്ടിരുന്നോ?


ബാഹുബലി റിലീസ് ചെയ്യുന്നതിന് ഒരാഴ്ച മുന്‍പ് രക്ഷാധികാരി റിലീസ് ചെയ്തു. ബാഹുബലിക്ക് മുന്‍പ് തന്നെ അധികം പേരും ഈ ചിത്രം കണ്ടു. മികച്ച അഭിപ്രായവും പറഞ്ഞു. രക്ഷാധികാരിയെക്കുറിച്ച് നല്ല റിപ്പോര്‍ട്ടായിരുന്നു.

ചിത്രത്തെക്കുറിച്ച് സോഷ്യല്‍ മീഡിയ മികച്ച അഭിപ്രായം പങ്കുവച്ചത് സിനിമയുടെ വിജയത്തിനു മുതല്‍ക്കൂട്ടായി. രക്ഷാധികാരി ഒരു കുഞ്ഞു സിനിമയാണ്. അതിനെ വിജയിപ്പിക്കാന്‍ മലയാളി പ്രേക്ഷകര്‍ മാത്രമേ ഉള്ളൂ.

uploads/news/2017/06/118281/renjanpromodINWa.jpg

TRENDING NOW