1f37  എച്ച്‌.ഡി.എഫ്‌.സി. വാഹനവായ്‌പ പലിശനിരക്ക്‌ കുറച്ചു | mangalam.com
Last Updated 5 hours 30 min ago
19
Wednesday
June 2013

എച്ച്‌.ഡി.എഫ്‌.സി. വാഹനവായ്‌പ പലിശനിരക്ക്‌ കുറച്ചു

mangalam malayalam online newspaper

ന്യൂഡല്‍ഹി: റിസര്‍വ്‌ ബാങ്ക്‌ അടിസ്‌ഥാനനിരക്കില്‍ കുറവു വരുത്തിയതിനേത്തുടര്‍ന്ന്‌ വായ്‌പാ പലിശ കുറയ്‌ക്കാന്‍ എച്ച്‌.ഡി.എഫ്‌.സി. തീരുമാനിച്ചു.
രാജ്യത്തെ രണ്ടാമത്തെ വലിയ സ്വാകാര്യബാങ്ക്‌ വാഹനവായ്‌പകളുടെ പലിശനിരക്ക്‌ കാല്‍ശതമാനം മുതല്‍ കുറയ്‌ക്കും. ചൊവാഴ്‌ച ആര്‍.ബി.ഐ. റിപ്പോനിരക്ക്‌ കാല്‍ശതമാനമായി കുറച്ചിരുന്നു. ഇതോടെയാണ്‌ വാണിജ്യബാങ്കുകളും വാഹന-ഭവന വായ്‌പകള്‍ കുറയ്‌ക്കാന്‍ നിര്‍ബന്ധിതരായത്‌.
കാര്‍, വാണിജ്യാവശ്യത്തിനുള്ള വാഹനങ്ങള്‍ എന്നിവയ്‌ക്കുള്ള വായ്‌പാ പലിശനിരക്ക്‌ കാല്‍ശതമാനമായും ഇരുചക്ര വാഹനങ്ങളുടെ നിരക്ക്‌ അരശതമാനവും കുറയ്‌ക്കും.
ഇരുചക്ര വാഹനങ്ങള്‍ക്കു 19.25നും 22.25 ശതമാനത്തിനുമിടയില്‍ പലിശ ഈടാക്കും. കാര്‍ വായ്‌പകളുടെ നിരക്ക്‌ 10.5 മുതല്‍ 11.5 ശതമാനവും ആയിരിക്കും. ഫെബ്രുവരി 1 മുതല്‍ നിരക്കുകള്‍ പ്രാബല്യത്തില്‍ വരും. പലിശനിരക്ക്‌ 9.7 ശതമാനമായി തുടരും. ഡിസംബറില്‍ ബാങ്ക്‌ അടിസ്‌ഥാന നിരക്ക്‌ 10 ബേസിക്‌ പോയിന്റായി കുറച്ചിരുന്നു. ചൊവാഴ്‌ച ഐ.ഡി.ബി.ഐ. ബാങ്ക്‌ പലിശനിരക്ക്‌ കാല്‍ശതമാനം കുറച്ച്‌ 10.25 ആക്കി. എസ്‌.ബി.ഐയും ഇന്നലെ പലിശനിരക്ക്‌ 5 ബേസിക്‌ പോയിന്റ്‌ കുറച്ച്‌ 9.70 ശതമാനമാക്കി.

നിങ്ങളുടെ അഭിപ്രായങ്ങള്‍
ഇവിടെ കൊടുക്കുന്ന അഭിപ്രായങ്ങള്‍ മംഗളത്തിന്റെ അഭിപ്രായമാവണമെന്നില്ല.

PLEASE NOTE
അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. ഇംഗ്ലീഷില്‍ ടൈപ് ചെയ്ത് മലയാളമാക്കാനുള്ള സംവിധാനം ഏര്‍പ്പെടുത്തിയിട്ടുണ്ട് ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Back to Top
0